Jump to content

ХОРИОТОЙ

Сайтдаа бүртгүүлж илүү олон давуу эрхүүдтэй болоорой.

  • Evangelista Lennox
    Evangelista Lennox dsff

    Неандертальчууд энэрэнгүй сэтгэлтэй байсан

    penny-scarf-3-oct-2011-edit-218px-jpeg.jpg.70f137b64ecf89bfef5a38966fd21211.jpg

    Их Британийн Йоркийн
    их сургуулийн археологич
    Пенни Спикинс

    Хүний хувьсал хөгжлийн түүхэнд неандертальчуудыг хайр халамжгүй, зэрлэг, бүдүүлгээр дүрсэлсэн байдаг. Харин эртний хүмүүсийн талаар Их Британийн Йоркийн их сургуулийн археологич Пенни Спикинсийн бичсэн “Түүхээс өмнөх энэрэнгүй сэтгэл” хэмээх бүтээлд өөрөөр тайлбарласан байна.

    Неандертальчууд орчин үеийн хүний өвөг дээдэс. Тэднийг зэрлэг хэмээн тодорхойлдог байснаас олон эх сурвалжид сэтгэлийн хөдөлгөөнөө мэдэрдэггүй байсан гэж тэмдэглэжээ. Эрдэмтэд сүүлийн үеийн судалгаагаар неандертальчуудын тухай сонирхолтой баримт олсон нь тэд багаж зэвсгийн тусламжтайгаар ан амьтан агнадаг байснаас гадна орчин цагийн биднээс ялгагдахааргүй энэрэнгүй, нинжин сэтгэлтэй байсан.

    “Түүхээс өмнөх энэрэнгүй сэтгэл” бүтээлд неандертальчууд орчин үеийн хүмүүсийнхтэй адил төвшинд сэтгэлийн хөдөлгөөнөө илтгэдэггүй байсан ч бусдыгаа ойлгож найрсаг харилцахыг мэддэг байсныг онцолжээ.
    Нөгөө талаар овгийн гишүүдэд муу зүйл тохиолдсон үед энэрэнгүй сэтгэлээр тусалдаг байж. Тиймээс энэрэнгүй сэтгэлийг неандертальчуудын үеэс эхтэй гэж үзэж болно. Пенни Спикинс эл баримтыг неандертальчуудаас үлдсэн араг яс ба түүнд хийсэн нарийн шинжилгээнд тулгуурлан гаргаж иржээ. Тухайлбал, зарим араг яс зарим эртний хүмүүс хөгжлийн бэрхшээлтэй байсныг илтгэж буй. Араг ясанд үлдсэн ул мөр тэднийг эмчилж, асран халамжилсныг илтгэж байгаа юм. Ийм жишээг эрдэмтэд нэг бус, бүр нэлээд олон олдворт ажиглажээ.

    ee609b1a.jpg.343b9c8e6ef739e044590d3268d82eb8.jpg

    Мөн сэдвээр хийсэн өөр нэгэн судалгаагаар эрдэмтэд төрөлхийн сэтгэцийн согогтой неандерталь хүүгийн тархины гавлын ясыг шинжилжээ. 5 6 насандаа нас барсан байж болох хүүг амьд үлдээхийн тулд ойр дотныхон нь асарч халамжилдаг байж. Үүнээс гадна гар, хөлийн яс нь гэмтэлтэй сохор неандерталийн араг ясанд хийсэн шинжилгээгээр бусдын дэмжлэгээр 20 жил амьдарч чадсаныг нь олж мэджээ.
    Араг ясны баримтад тулгуурлан эртний неандерталь хүний энэрэнгүй сэтгэлтэй байсныг тодорхойлсон эрдэмтдийн судалгаа нь сэтгэлийн хөдлөл үүссэн үечлэлийг дөрвөн үе шатад хувааж буй.

    Эдгээр нь: Нэгдүгээр алхам: (Зургаан сая жилийн өмнө) Хүн төрөлхтний өвөг дээдсээс сэтгэл хөдлөл илэрсэн анхны тохиолдол нь бусдыг тухтай амруулахын тулд модны мөчир тасдаж нуруун дор нь тавих үзэгдлээс эхэлжээ.

    Хоёрдугаар алхам: (1 сая жилийн өмнө) Энэ үеэс эхэлж хүн төрөлхтөнд бусдыг өрөвдөж хайрлах сэтгэл бий болжээ. Энэ нь эртний хүмүүс өвчтэй нэгнийгээ асран хамгаалж эхэлсэн 1.8 сая жилийн тэртээд хамаарна.

    Homo-erectus.jpg.bc5ac37d46538dbf6a182b438cbbfc75.jpg

    Гуравдугаар алхам: (500 мянган жилийн өмнө) Одоогоос 500 мянган жилийн өмнө эртний хүмүүс хамтдаа ан хийж хүч буурай нэгэндээ ангийн хувиасаа хүртээдэг байжээ. Энэ нь цаашлаад хамтдаа амьдрах нэгнийгээ жинхэнэ утгаар нь хайрлах зэрэг сэтгэлийн хөдлөлийг бий болгосон байна.

    Дөрөвдүгээр алхам: (120 мянган жилийн өмнө) Энэ үеэс эхлээд хүний сэтгэл хөдлөл илүү төгсжиж эхэлжээ. Бусад хүнийг хооронд нь ялгаж харьцах, ан амьтан, байгаль орчин гээд бүхий л зүйлд хандах хандлага өөрчлөгдөв. Эрдэмтэд анхны энэрэнгүй сэтгэл, сэтгэлийн хөдлөлийн мэдрэмжийг ан гөрөө хийх явцад бий болсон гэдэгтэй санал нэгдэж байгаа юм. Сонирхуулахад, эрдэмтэд өнөөг хүртэл олсон неандертальчуудын араг ясны ихэнхийг шинжилж тэдний төрснөөс үхэх хүртэлх бүхий л аж амьдралыг тодорхойлж чадсан байна.

     

    Horiotoi.org


    User Feedback

    Recommended Comments

    Энэхүү мэдээнд сэтгэгдэл алга.



    Guest
    Та зочноор сэтгэгдэл бичих гэж байна. Хэрвээ та манай сайтад бүртгүүлсэн бол нэвтэрч орно уу.
    Сэтгэгдэл энд дарж бичнэ үү...

    ×   Pasted as rich text.   Restore formatting

      Only 75 emoji are allowed.

    ×   Your link has been automatically embedded.   Display as a link instead

    ×   Your previous content has been restored.   Clear editor

    ×   You cannot paste images directly. Upload or insert images from URL.


×