Jump to content
Хориотой Сайт
  • БҮРТГҮҮЛЭХ
  • Evangelista Lennox
    Evangelista Lennox dsff

    Хөзрөөр мэргэлж сурцгаая

    Sign in to follow this  

    Эхлээд чухам юу хүсч байгаагаа сайтар тунгаан бодоорой. Гучин зургаан модтой хөзрөө гурван эгнээгээр дэлгэн тавина. Бүх хөзрөө дэлгэн тавьсаны дараа доод талаас нь гурав, дундаас нь гурав, дээд талаас гурвыг нийт есөн мод сугалж авна. Тэдгээр хөзрөө доод, дунд, дээд гэсэн гурван эгнээгээр дэлгэн тавина. Дэлгэн тавьсан хөзөрт чинь боол, хатан, ноён гээд хүн их байна уу,аль эсвэл зургаа, долоо, найм, ёс, арав гэсэн сул хөзөр гарч уу гэдгийг анхааралтай ажиглах нь чухал. Ийнхүү ажиглан дүрсийн учир холбогдлыг тайлахаа мэргэчид уншихтай адилтгаж үздэг аж. Хэрэв бүх тамга юмуу эсвэл хоёр тамга, мөн хоёр хүн /боол, хатан, ноён аль нь ч яахав/ дараалан гарсан бол хүсэл чинь биелнэ гэсэн үг.

    Нэг хүн, нэг тамганы араас зургаа, арав, долоо гэх мэтийн сул мод гарч ирсэн бол гэр бүлийн харилцаанд чинь түвэгтэй асуудал үүсч, эмх замбараагүй байдал бий болохын дохио.
    Хоёр тамга, хоёр хүн гарч ирсэн бол эхнэр нөхрийн хэн нэг нь үнэнч бус байгаагийн шинж.
    Гурван тамга, нэг хүн буусан бол та хүчтэй дайсантай болж магадгүй. Эсвэл танд дайсагнагч этгээд байна гэсэн үг.
    Дөрвөн хатан дараалж гарвал хайр дурлал чинь аюулд орсны тэмдэг.
    Дөрвөн ноён – амжилт гаргахын бэлгэдэл.
    Дөрвөн боол – үр бүтээлгүй хөдөлмөрлөж цагаа дэмий үрнэ гэсэн үг.
    Тамга, ноён, хатан, боол, сул мод дараалсан бол амьдрал хэвийн байхын шинж.
    Дан сул мод гарсан бол – аз хаяж, хүсэл биелэхгүйн илрэл.

    Ер нь хөзрийн моднууд өөр хоорондоо холбоотой байдаг аж. Тэдэнд нэгдмэл шинж бий. Тухайлбал, хөзрийн ямар ч аргаар мэргэлсэн моднууд нь дараах бэлгэдлийг агуулдаг байна.

    Дөрвөн тамга – Хүсэл биелнэ.
    Дөрвөн ноён – Албаны олон хүн цугларна
    Дөрвөн хатан – Элдэв яриа өрнөж, хов жив ихэснэ.
    Дөрвөн боол – Ажил ихтэй байх болно
    Дөрвөн арав – Шинэ хайр дурлалтай учирч хуримлана.
    Дөрвөн ес – Амьдралд өөрчлөлт гарна
    Дөрвөн найм – Таагүй явдал тохиолдоно
    Дөрвөн долоо – Үхэл хагацал тохиолдож, нулимс урсана
    Дөрвөн зургаа – Холын аянд гарахын шинж

    Одоо тэгвэл энэ бүх мод хоорондоо хэрхэн холбогдож байгааг авч үзье. Хатны дэргэд ноён буужээ. Тухайн эмэгтэй нөхөртэй, эсвэл нууц амрагтай гэсэн үг.
    Ноёны дэргэд хатан гарсан бол хэн нэгэн тэр эмэгтэйд гэрлэх санал тавих юмуу эсвэл хайр сэтгэлээ илчилнэ.
    Арав – Энэ сул модны дунд хатан буусан бол тэр эмэгтэй хайр сэтгэлдээ үнэнч байгаагийн тэмдэг
    Ноён, хатан, арав дан нэг өнгөөр гарсан бол тухайн хүмүүс хоёр биедээ хайртай байгаагийн илрэл
    Хатны хажууд найм буувал хов жив гарах болно.
    Долоогийн дэргэд гилийн тамга гарсан бол ойр дотнын хүмүүсийг чинь өвчин ороохын дохио
    Тамга арав хоёрын дунд ноён гарвал албан тушаал ахина гэсэн үг.
    Энэ мэтчилэн, дэлгэсэн хөзрийг уншвал их зүйлийг тайлж өгөх болно. Гагцхүү ингэж тайлж чаддаг болоход тодорхой цаг хугацаа шаардагдахаас гадна тухайн үзмэрчээс авхаалж, мэдрэмж шаарддаг байна. Харин хөзрийн нууцад нэвтэрч чадваас үгээр илэрхийлэхэд хэцүү нэгэн сонин ертөнцийг нээдэг аж.

    Sign in to follow this  
    Horiotoi.org


    User Feedback

    Recommended Comments

    Энэхүү мэдээнд сэтгэгдэл алга.



    Guest
    Сэтгэгдэл энд дарж бичнэ үү...

    ×   Pasted as rich text.   Restore formatting

      Only 75 emoji are allowed.

    ×   Your link has been automatically embedded.   Display as a link instead

    ×   Your previous content has been restored.   Clear editor

    ×   You cannot paste images directly. Upload or insert images from URL.


×
×
  • Create New...