Jump to content

Та нар маань уг нь сайтдаа бүртгүүлээд уншсан мэдээндээ сэтгэгдэлээ бичээд сайтаа дэмжээд явчихвал тэ? :Awkward:

  • Сонордуулга

    • Legend X ♥

      Хэрхэн Award ашиглах вэ?   01/23/2018

      Сайтын гишүүд хоорондоо award өгөх боломжтой. +Бичлэг нэмэх > Award гэж дарахад Member хэсэг дээр тухайн Award-г өгөх гэж буй хүнийхээ нэрийг бичиж сонгоно. Дараа нь Award хэсгээс өгөх Award-аа сонгоод Reason дээр мессеж бичээд Save дарахад таны Award тухайн хүнд очих болно.  Аль эсвэл http://www.horiotoi.org/awards гэж ороод дуртай Award-аа сонгон явуулах боломжтой.    Award гэж юу вэ? Ямар ашигтай вэ? - Award нь шагнал гэсэн үг. Та хэн нэгэнд баярласан талархсан бол эдгээрээс Award-г ашиглан бусдад өгөх боломжтой. Award нь форум хэсэг дээр жижиг тэмдэг маягаар гаран таны профайлыг чимэх болно. 

Leaderboard


Popular Content

Showing most liked content since 05/20/2018 in all areas

  1. 1 point
    Үүрцайх Tавтай морил :) Бүртгүүлсэнд баярлалаа.
  2. 1 point
    Гадна төрхөөрөө энгийн мэт харагдах зарим хүмүүс хэдэн сараар өөрийгөө тамлаж, олон жилээр унтахгүй байхын зэрэгцээ цаг хугацааг эргүүлэн улам залуужих нь хачирхалтай. Мөн могойтой торонд унтдаг, гартаа тааралдсан бүхнийг шатаадаг, нүднээс нь нулимс бус очир эрдэнэ гоождог хүн ч бий. Тэд хэн бэ? Хэн тэдэнд ийм нууцлаг чадварыг заяасан юм бол? Йог аймшигтай Энэтхэгийн Бхопал хотын йог Рави Варанаси 87 өдрийн турш нуруу ба хөлнөөсөө гох­дуулан дүүжлэгджээ. Мо­дон бай­гууламжны найман дэ­гээнээс өлгөгдөн газраас нэг метр зайд ийнхүү олон хоног байх­даа тэрээр хүмүүстэй юм ярьж, хоол унд багахан хэм­жээгээр идэж байлаа. Гур­ван сарын дараа Рави юу ч болоогүй мэт хөл дээрээ босч ирэн дасгалаа хийж эхэлсэн бай­на. Энэ бүх хугацааны турш түү­нийг ажиглаж бай­сан эмч йогчны бие маш сайн байгааг мэдэгджээ. Мөнхөд сэрүүн Минск хотын оршин суугч Яков Цеперович 26 настайдаа кли­­ник үхэлд оржээ. Түүнээс хойш тэр нэг л ха­чин болсон гэнэ. Яков огт ун­тахаа бай­сан тул нойр­ны эм уув. Гэвч үйл­чил­сэнгүй. Түүний хувьд амьд­рал нь хяз­гааргүй үргэлжлэх нэг өдөр бо­лон хувирлаа. Тэр бүү хэл Яков хөгшрөхөө боль­жээ. Одоо тэр 43 настай ч хоёр дахь удаа­гаа төрсөн тэр мөч ши­гээ 26-тай мэт ха­рагддаг аж. Хавьтсанаа түймэрдэгч 1927 онд Америкийн эмч Л.Вуд­ман дээр ирсэн хар арьстан өвчин зовлонгоо тоо­чив. Ан­дервуд хэмээх тэр эр нус­ны ал­чуур аваад амандаа наан, амьс­галж гарлаа. Хэд­хэн се­кундын дараа нусны ал­чуур ша­таж, гайхаж мэлэр­сэн эмчийн нүдэн дээр ердөө үнс болж хувирчээ. Дараа нь тэр хуу­рай навчсыг шатаав. Шин­жээчид маш сайн шал­гаж үзээд ямар ч луйвар байх­гүйг нотолжээ. “Өвчтөн” үр­гэлж амьсгалаа барьж байх шаард­лага гардаг хэмээн гомдоллож байв. Учир нь хэрэв тэр цээж дүүрэн амьсгал аваад гаргавал эргэн тойрны хамаг юмаа шатаачих гээд байдаг аж. Андервудыг эмнэлэгт хэв­түүлэн удаан судалсан ч эмч нар түүний энэ гоц үзэгдлийн учрыг тайлж чадсангүй. Могойг захирагч Энэтхэгийн Сингх Абу гэдэг эрд могойн хор огт үйл­чилдэггүй нь хачирхалтай. Тэ­рээр амьтны хүрээлэнд ажил­лаж байхдаа анх наж мо­гойд хатгуулжээ. Гэтэл биед нь ямар ч өөрчлөлт ажиг­лагдсангүй. Тэр бүү хэл өчүү­хэн төдий ч хорсоогүй гэнэ. Дараа нь тэр зориуд мо­гойд хатгуулсан ч мөн адил яасан ч үгүй. Түүнээс хойш Абу хорт могой язганалдах шилэн тасалгаанд орох зэрэг шоу үзүүлж эхэллээ. Хэвлээр мөлхөгчид түүнийг дураараа хазах ч мань эрийн бие могойн хорны эсрэг дархлаатай тул хэнэг­гүй зогсдог аж. Эмч нар түү­ний цусыг шинжилж үзэ­хэд могойн хор биед нь ороод уусч, тэжээлийн бодис болон хувирч байлаа. Тэр бүү хэл Сингхийн цусны бүтэц жи­рийн хүмүүсийнхээс өөр аж. Иймээс түүнийг харь га­ра­гийн хүн гэсэн таамаглал ч гарч ирэв. Суд­лаачдын хувьд Абу үнэ­хээр оньсого хэвээр үлджээ. Очир эрдэнийн нулимс Хойд Африкийн Ханумаг очир эрдэнийн бүсгүй гэдэг. Тэр огт уйлдаггүй хүүхэд бай­сан гэдэг. Харин нэг удаа эхдээ сонгино арилгахад нь тусалж байгаад анх удаа уйлсан байна. Эцэг эх нь түүнийг ха­раад мэл гайхлаа. Учир нь түү­ний нүднээс нулимс бус ха­туу талстууд унаж эхэлжээ. Аф­рикчууд мухар сүсгээрээ алдар­тай. Эцэг эх нь түүний биед чөт­гөр шүглэчихэж гэж бо­доод энэ явдлыг чанд нууцлахаар шийдэв. Ханумын эцэг алт, мөн­гөний дархан тул тэдгээр талс­тыг судлахаар шийдсэн бай­на. Тэрээр гайхалтай тун­галаг бөгөөд очир эрдэнэ мэт гя­лалзах эдгээр талстыг өнгөлж янз­лан гоёлын зүүлт чимэглэл хийж үзэв. Удалгүй охины ну­лимс нь худалдан авагчдын дунд маш гүйл­гээтэй бараа боллоо. Нэ­гэн үйлчлүүлэгчид энэ талст хачин санагдаад тэр шин­жилгээнд аваачиж өгчээ. Гэ­тэл органик гаралтай брил­лиант гэсэн хариу гарлаа. Түү­нээс хойш эрдэмтэд Ханума охиныг сонир­хон судалсаар бай­гаа ч хатуу чулуун ну­лимсны учрыг тайлж чадахгүй л байна.
  3. 1 point
    Бидний хар багаасаа сонсож өссөн үлгэр домгийг чөтгөр, шулам, мангасгүйгээр төсөөлөхийн аргагүй билээ. Ийм гаж сонин зүйл байдаггүй байсан ч, тэдний оронд өөр нэг зүйл заавал бодож олох л байсан байх. Муу хүчний эсрэг хүчин мөхөсдсөн хүн төрөлхтөн “ямаан хүний оронцог”-ийг оюун ухаандаа хийсвэрлэн бодож олсон байж болох юм. Харин чөтгөр байдаг бөгөөд ямаатай маш төстэйдүү, жижигхэн эвэртэй, эрүүндээ ооч сахалтай бас сүүлтэй гэнэ. Нэг үгээр хэлбэл үгээр хэлэхийн аргагүй үзэшгүй муухай амьтан юм байх. Зарим нэг нь чөтгөрийг тас хар бие, урт хумстай сарвуу, сүүл, эвэр, том ам, урт хамартай эсвэл гахайн хоншоор, харанхуйд хурц гэрэлтсэн нүдтэй байхыг харсан ч гэж ярих нь бий. Мөн ямаан, үхрийн эсвэл морин туурайтай гэдэг. Чөтгөр нь газар бүрт босоо ороолон, хий юм, мэхт, гүйдэл, дайсан, танхил гэх мэт өөрийн гэсэн нэршилтэй ба нэрээр нь дуудвал гэнэт гарч ирдэг гэдэгт итгэдэг учир хамаагүй хэлэхээс цээрлэдэг байна. Тэдгээр нь ой, намаг хаягдсан эзэнгүй байшин, бүр сүмд ч тантай таарч мэднэ. Чөтгөр хэмээх тамын хүүгийн хүлээх үндсэн үүрэг бол хүнийг муу зүйлд уруу татах, бодлогогүй алхам хийхэд түлхэх, залхуурах өвчин, харамч сэтгэл, нүгэлт бодол, хар муу санаа төрүүлэх юм. Чөтгөр нь хүний зүүн мөрөн дээр гарч суугаад зүүн чихэнд нь элдэв муу зүйл хийхийг ятган, нүгэл үйлдэхэд өдөөн турхирч байдаг бол харин бурхан баруун мөрөн дээр нь сууж чихэнд нь шивнэн, үнэний мөрийг олоход нь чиглүүлж байдаг гэнэ. Чөтгөрүүд бүгд эр хүйстэн тул шуламтай ураг барилддаг гэж үздэг бөгөөд тэд хуримлахдаа дөрвөн замын уулзвар дээр найр хийж, хөөцөлдөн тоглож, бүжиглэн цэнгэснээс үүдэн зам дээр тоосон хуй босдог аж. Хэрэв тэр хуй руу хурц хутга шидвэл ир нь цусаар будагдаж, хуй салхи намддаг бөгөөд харин тухайн газарт туурайн мөрнүүд үлдсэн байхыг тов тодорхой харж болохоор байдаг байна. Чөтгөрийн төрөлх нутаг нь мэдээж бусад ахан дүүсийнхээ хамтаар үйл тамаа эдэлдэг халуун там. Гэхдээ чөтгөр хүссэн үедээ хаана ч гарч ирж чаддаг. Чөтгөр нь бурхантай тэрсэлддэг, маш аюултай муу ёрын хүч болон түүний гар хөл болон аахар шаахар ажилд зарагддаг ороолон гэсэн хоёр төрөлд хуваагдана. Москва орчмын нутгийн захиргаа зуслангийн байшингууд барихаар хүн амьтан оршин суудаггүй газар экскаватороор 600 м газар ухуулах үед үүссэн юм. Шинээр үүссэн цөөрмийн тогооны зүүн талд долоо, баруун талд зургаа, нийтдээ 13 булаг байв. 10 гаруй жил улиран өнгөрсний дараа цөөрмийн талаар олон янзын цуу яриа, оньсого таавар мэт зүйлс сонсогдож эхэлсэн аж. Жишээлбэл, сартай намуухан шөнө цөөрмийн дээгүүр ногоон манан татдаг ба энэ үед уснаас этгээд сонин, улих, мэгшин уйлах шиг дуу чимээ гардаг гэнэ. Нутгийн иргэд одоо энэ цөөрөмд сэлэхээс айдаг. Ялангуяа цөөрмийн долоон булагтай тал руу живж үхэхээс айгаад хэн ч очиж зүрхэлдэггүй байна. Хачирхалтай нь, зөвхөн эрчүүдуг цөөрөмд живж амь насаа алддаг ба харин эмэгтэйчүүд, хүүхдүүд ямар нэгэн ид шидээр аврагддаг аж. Нэг охин хийлдэг том бөмбөлөгтэйгээ цөөрөмд, эргээс холгүйхэн сэлж байжээ. Гэтэл гэнэт цөөрмийн тэг дунд нь өрх үүсч бяцхан охиныг долоон булаг тийш сорж эхэлжээ. Байгалийн хүч болон охин хоёрын хооронд хүч тэнцвэргүй тэмцэл үүсч эргүүлэг түүнийг үхлийн хаалга руугаа сйроход охины гараас бөмбөг нь мултрав. Охины үхэлтэй тэмцэн бачимдан хашгирах дууг сонссон томчууд гүйлдэн ирж хөөрхий охиныг татаж гаргажээ. Харин бөмбөг эргүүлэгний аясаар тойрон эргэлдсээр байсан ба дараа нь уснаас хоёр бүрзгэр гар гарч ирэн гүн рүү авч одоон ажээ. Аврагчид цөөрмийн гүнд ийм “араатан” байдаг гэдэгт итгэдэггүй ч цөөрөм рүү огт орж зүрхшээж байгаа юм. Мэдээж хэрэг хараал идсэн, цөөрмийн тухай яриа адал явдалд дурлагчдын хорхойг хүргэж таараа шүү дээ. Тиймээс ч зусланд охинтой тохиолдсон явдлын дараахан Евгений гэгч сониуч эр иржээ. Тэрээр хэдэн шөнө дараалан цөөрмийн дэргэд харуулдсан бөгөөд нэг өглөө түүнийг тэндэхийн оршин суугчид эрэг дээр ухаангүй хэвтэж байхад нь олжээ. Хэдэн цагийн дараа ухаан ороод тэрээр өөрт тохиолдсон ер бусын явдлын талаар цугласан хүмүүст ярьсан байна. Шөнө дундын үед цөөрөм хүчтэй бургилан дараа нь уснаас дөрвөн мөчтэй нохой шиг амьтан гарч иржээ. Уг амьтан биеэ шилгээн усаа хагсраагаад хойд хоёр мөч дээрээ босон түүний сууж буй зүг алхсан гэнэ. Энэ үед нар үүлний цаанаас гарч ирсэн ба түүний өмнө тамын хүү өөрийн биеэр заларсан байв. Үүнийг харсан Евгений ухаан балартан газар унажээ.
  4. 1 point
    Та аймшгийн кино үзэх дуртай юу? Аймшгийн кинон дээрх үйл явдлууд бодит амьдрал дээр байдаггүй гэж боддог уу? Аймшгийн кино эхлэхийн өмнө “бодит явдлаас сэдэвлэн бүтээв” гэж бичдэггүй ч эдгээр кинонуудыг жинхэнэ амьдралаас сэдэвлэн бүтээжээ. 10. Open Water (2003) Далайд алга болсон усанд шумбагч эхнэр нөхөр болох Tom, Eileen Lonergan нарын амьдралаас сэдэвлэн бүтээжээ. Тэд дэлхийн хамгийн том шүрэн арал болох Great Barrier Reef-д 1998 оны нэгдүгээр сард алга болсон билээ. Тэднийг хайгуулын багийнхан хайж хоёр өдрийн турш шумбалт хийсэн ч олоогүй. 9. The Mothman Prophecies (2002) Олныг шуугиулж байсан John Keel-ийн 1975 бичигдсэн The Mothman Prophecies номноос сэдэвлэн бүтээжээ. Уг ном нь Keel-ийн нутгийн оршин суугчдын үзсэн харсан, нууцлаг хүн шиг биетэй далавчтай чөтгөрөөс санаа авч бичигдсэн юм. The Conjuring (2013) Ер бусын үзэгдэл судалдаг Ed, Lorraine Warren нарын Rhode арлын Perron-ны гэр бүлийн сүнс хоргодсон байшингийн судалгаанаас санаа авч хийжээ. Bathsheba Sheran гэдэг нэртэй шулмын хорлолд өртөж байгаа тухай гардаг. Гэхдээ Annabelle нэртэй хүүхэлдэй бол зохиомол юм байна. 7. The Exorcism Of Emily Rose (2005) 16 настай Anneliese Michel нэртэй Герман охиноос санаа авч бүтээжээ. 1968 онд охины биед шулам шүгэлж долоон жилийн дара лам нар сарын турш тэмцэн байж гаргасан гэдэг. 6. The Amityville Horror (1979) Зөвхөн энэ кино сүнс хоргодсон байшингаас санаа авсан нь биш юм. Дээр дурдсан The Conjuring киноны гэр бүлийн амьдралаас бас сэдэвлэжээ. 5. The Strangers (2008) 1970 онд болсон Manson-ий гэр бүлийг хүйс тэмтэрсэн гэмт хэргээс Bryan Bertino найруулагч санаа авч хийжээ. 4. The Silence Of The Lambs (1991) Ерөнхийдөө цуврал аллагатай кинонууд бодит амьдрал дээр хачир нэмж хийгдсэн байдаг. Энэ сэтгэцийн аймшгийн киног алдарт цуврал алуурчид болох Ed Gein,Ted Bundy нарын түүхээс сэдэвлэн бүтээжээ. Киноны дүр болох мөрдөгч Starling болон алуурчин, доктор Lecter нар бол амьдрал дээрх Ted Bundy болон түүний хэрэг дээр удаан хугацаанд ажилласан Robert Keppel нар юм. 3. The Hills Have Eyes (1977) Уулан дахь алуурчдын тухай энэ киног бодит амьдралаас сэдэвлэсэн гэвэл та итгэх үү? 16-р зуунд Шотландын нэгэн уулын агуйд амьдардаг хүмүүсийг олж цаазаар авах хүртэл 25 жилийн турш 1000 гаруй хүн алсан түүхээс сэдэвлэжээ. 2. Child’s Play Дээр дурдсан The Conjuring киноны Annabelle хүүхэлдэй зохиомол байж болох ч Chucky зохиомол гэсэн үг биш юм. Киноны санааг 20-р зууны эхэнд хар шид шүгэлсэн гэгддэг хүүхэлдэйн тоглоомоос санаа авчээ. Хүүхэлдэйн эзэн Robert Eugene Otto гэр бүлийг нь энэ хүүхэлдэй хөнөөсөн гэж баталдаг. 1. The Texas Chain Saw Massacre (1974) Энэ кино бол баг, ширэн нүүртэй аймшгийн кинонуудын “эцэг” нь юм. Ed Gein гэдэг нэрээр алдартай хохирогчдынхоо арьсыг өмсдөг цуврал алуурчны бодит амьдралаас сэдэвлэн бүтээжээ.
  5. 1 point
    Дүүжин буйдан дээр суугаад хэдий хугацаагаар унтахгүй тэсвэрлэх вэ тэмцээний нэгэн оролцогч дээд амжилт тогтоожээ. Тэрбээр 18 өдөр 21 цаг 40 минут нүд анилгүй олныг гайхашруулсан ч сөрөг үр дагавар дагуулсан байна. Түүний хараа, хэл яриа, ой санамж алдагдан хий юм хардаг болжээ. Хүн амьдралынхаа гуравны нэгийг унтаж өнгөрөөдөг учраас нойргүйдэл олон таагүй үр дагаврыг дагуулдаг. Хүмүүсийн 12 хувь нь хар цагаан зүүд зүүдэлдэг бол үлдсэн хэсэг нь зүүдэндээ адал явдлаа өнгөтөөр хардаг. Зүүдэндээ хүмүүс ихэвчлэн өөрийгөө болон өрөөлийг сургууль, ажил дээрээ байгаагаар, мөшгөлтөөс аврагдахаар оролдож буй, өндрөөс унаж байгаагаар, хүний үхэл, шүд унах, нислэг, шалгалтад унаж осолд орж буйгаар хардаг. Дунд эргэм насныхны хувьд найман цаг унтах нь хангалттай. Харин хүүхдүүд, өсвөр насныханд өдөр бүр 10 цаг унтаж байж нойр ханадаг бол өндөр настнууд хоногийн зургаан цагийг нойрондоо зарцуулдаг байна. Манай гарагийн насанд хүрсэн хоёр хүн тутмын нэг нь нойр хулжих нэг эсвэл хэд хэдэн хам шинжтэй байдаг гэнэ. Тэдний 13 хувьд нь ийм байдал өвчин болтлоо архагшсан аж. Автомашины ослын 20 хувь нь дутуу нойр, нойргүйдлээс болж гардаг. Мэндэлснийхээ дараа хараагүй болсон хүмүүс зүүдэндээ амьдралын бүхий л зүйлийг харжчаддаг. Харин төрөлхийн хараагүйчүүдэд ийм зүйл үгүй бөгөөд тэдний зүүд дуу авиа, үнэрээр дүүрэн. Зүүдний 90 хувь нь сэрсний дараахь 10 минутад мартагддаг байна. Зүүдэн өвчтэй хүмүүс унтахаас хүртэл айдаг. Хурхирах үедээ хүн зүүдэлдэггүй. Сүүлийн 100 жилд хүмүүс өмнөхөөс 20 хувиар бага унтдаг болжээ.
  6. 1 point
    Толь бидний хоёр дахь бие түүнийг хагалбал танд долоон жил гай зовлон учирна. Япон улсад толийг машид эрхэмлэдэг. Түүнийг япончууд хаан ширээ, сэлэм болон Гурван Сувдын адил (эрдэм мэдлэг, эр зориг, энэрэнгүй сэтгэлийн билэгдэл болсон) императорын эрдэнэсийн нэг гэж тооцдог аж. Синтойн уламжлалт ёс заншлын дагуу найман талт толийг Аматэрасу хэмээх нарны дарь эхтэй холбон авч үздэг. Сансар огторгуйн туульсад ингэж өгүүлдэг, толь дэлхийд гэрэл гэгээ авчрахын тулд дарь эхийг агуйгаас гар гэж ятгажээ. Толь дарь эхийн дүрсийг ойлгон, түүнийг бурханлиг амарлингуй байдлаас гаргаж чадсан аж. Иймээс түүнийг энх тайван, орон зайн бэлгэ тэмдэг гэж үздэг юм байна. Толь бол сарны билэгдэл. Тэрээр cap шиг дүрсийн дам тусгал билээ. Шиваизмын онол харин гадаад дүр төрх бол толины тусгал гэж сургадаг. Тэд “Толинд туссан дүрс бол толь л гэсэн үг, түүнээс огт ялгаагүй, зөвхөн арай өөр. Түүн шиг, толинд туссан мод, байшин, гол горхи зэрэг нь толиноос огт ялгаагүйн адил орчлонгийн ухамсарт ойж туссан хорвоо дэлхий маань орчлон ертөнцөөс огт ялгаагүй” гэж үздэг. Конго, Бамбар улс, мөн Азийн зарим ард түмэн усан дээрхи толийг шидэт нөлөөтэй гэж мэргэ төлөг хийхэд ашигладаг. Тэрчлэн бөө, төлөгчид устай аяга эсвэл толины тусламжтай сүнс хардаг. Дундад зууны үед толийг бурхны сургаалийн тусгал хэмээн бурхны үгийг тайлбарлах хэрэгсэл болгож байв. Эргэцүүлэн бодож, сэтгэнэ гэдэг нь бурхны хуулийн тусгал болсон толийг эзэмшинэ гэсэн үг. Улмаар тэдгээр хуулийг танин мэдэж чадах юм гэнэ. Түүнээс гадна толь нь гариг эрхсийг, сансрын хуулийг судлах хэрэгсэл. “Агуу толь” хэмээх шашны номыг зохиосон Винсент де Бове “Хүн бол сансрын толь. Тэрхүү толинд үл үзэгдэх ертөнц тусдаг” хэмээжээ. Ингэхэд сэтгэх нь сансрын толь буюу биднийг хүн болон төлөвшихөд нөлөөлдөг аж. Гэрэл гэгээд тэмүүлсэн толь бол төгс бүтээл бөгөөд дотоод амьдралын тусгал юм. Ийм ч учраас хүний нүүр царайг оюун ухааны толь гэдэг байх. Толиноос зарим хүн их айдаг. Энэ нь мухар сүсэгтэй холбоотой. Заримаас дурьдая, итгэнэ үү байна уу өөрөө мэд. Хэрэв толь хагалбал танд долоон жил гай зовлон учирна. Яагаад гэвэл толь бидний хоёр дахь бие болж хувирдаг. Иймээс өөрийг нь хагалсан хүнийг тэр бас гэмтээдэг. Иймээс толь хагарвал гай зовлонгоос сэрэмжилж, том хэлтэрхийнүүдийг хар өнгөөр буд эсвэл урсгал усанд хий. -Хагарсан толинд бүү тольд, буг чөтгөр харагдаж мэднэ. Далд ертөнцөд итгэдэггүй хүмүүст сануулахад хагарч цуурсан толь буюу толины хэлтэрхийнд тольдвол та эрч хүчээ алдана. Бүх юм сайнаар эргэвэл тэр шүү, харин муугаар бол таагүй зүйл тохиолдоно. -Нялх хүүхдийг толинд бүү харуул, аймхай болно. Түүнээс гадна хэлд орохгүй удах эсвэл шүдлэхгүй зэрэг нөлөө үзүүлнэ. Мөн байнга өвчин тусах магадлалтай. -Гэрээс гарч яваад юм мартсанаа санан буцаж ирсэн бол заавал толинд хар, эс тэгвэл зам бүтэлгүйтнэ. -Талийгаачийн гэрт толь бүтээдэг нь түүний сүнс толинд тусч, үлдэгсдээ айлгахаас сэрэмжилсэн хэрэг. -Эмэгтэй хүн сарын тэмдэг ирсэн, жирэмсэн үед, мөн төрсний дараа толинд харж болохгүй, ядаж л аль болох цөөн харахыг хичээ. Учир нь энэ үед тэдний өмнө булшны нүх нээгддэг гэсэн зарим үндэстэн үздэг. -Хэрэв та хэн нэгнийг өөрийн чинь эсрэг муухай зүйл сэдэж байгаа гэж сэжиглэвэл түүнийг толины өмнө аваачихыг оролд. Зэрэгцэж байгаад толинд хар, хэрэв сэжиг таамаг үнэн бол найзын чинь нүүрэн дээр жинхэнэ санаа нь илэрнэ. -Өглөө болгон үүдний (зочны) өрөөний толиндоо дөхөж оч. Толиноос 0,5см орчим зайтай (түүнээс хол хэрэггүй) зогсон гараа явуулж “Толь минь энэ гэрт ирэх хамаг муу муухай бүхнийг харуулаач. Манай гэрийнхнийг (нэрсийг тооч) хамгаалаач” гэж гуй. -Гэрийн толь маш цэвэрхэн байх ёстой. Долоо хоног тутам, шаардлагатай бол түүнээс олон арч. -Угаалгын өрөөнд толь байх онцгүй. Гоё, моодны гэж үздэг байлаа ч та тэр гоо сайхны төлөө эрүүл мэнд, гэр бүлийн харилцаа эсвэл мөнгөө өгөхийг хүснэ гэж үү? -Унтлагын өрөөний толийг шөнө унтахдаа хуч, эсвэл өмнүүр нь хөшиг тат. -Хос хоёрын орны дээд талд толь байж болохгүй. Зарим айл таазандаа, яг унтлагын орны дээр толь өлгөдөг нь сайн юманд хүргэхгүй. Орны толгой талд толь бүү өлгө, та амьдралдаа олон алдаа гаргах болно. -Толь заавал хүрээтэй байх ёстой, тэгснээр тэр таны эрчим хүч, эрүүл мэндэд хор хөнөөл учруулахгүй, гэмтээхгүй.
  7. 1 point
    Сайн байцгаана уу Хориотой сайтын чөтгөрүүдээ бидэнд ярилцах зүйл байна. Хориотой сайтын зөвхөн форум нь Пойнт системтэй болсонг зарлаж байна. Та өөрийн үзэл бодлоо бусадтай хуваалцаад цуглуулсан пойнт оноогоороо Хориотой дэлгүүрээс хүссэн зүйлээ худалдан авах эрхтэй юм. Пойнт оноо цуглуулах талаар түгээмэл асуултуудыг уншина уу: Пойнт нь ямар ач холбогдолтой вэ? Пойнт оноо цуглуулах нь гишүүд сайтад идэвхитэй оролцоход тустай. Тухайн гишүүд өөрсдийн цуглуулсан пойнт оноогоороо ранк худалдан авах, пойнт оноо хожих зэрэг олон төрлийн боломжтой. Пойнт оноогоог яаж цуглуулах вэ? Пойнт оноогоо цуглуулахдаа Форумд шинэ сэдэв нээх /100 пойнт/, хариулж бичих /50 пойнт/, таны нээсэн сэдэвт хүмүүс хариулт бичвэл танд оноо өгөх болно /80 пойнт/ тус тус авна. Хэрхэн пойнт оноогоор юм худалдан авах вэ? www.horiotoi.org/shop хэсгээс өөрийн пойнт оноондоо тохирсон зүйлийг худалдан авч болно. Бид шопдоо шинэ зүйлсийг оруулж байх бөгөөд цаашид тухайн үеийн үйл явдал /баяр наадам/-д тохируулан бараануудаа оруулах болно. Өөрийн цуглуулсан пойнт оноогоо хэрхэн харах вэ? Та өөрийнхөө цуглуулсан пойнт оноогоо өөрийн профайл хэсэг болон дэлгүүрээс харах боломжтой. Өөрийн пойнт оноогоо бусдад шилжүүлж болох уу? Болно. Профайл хэсэгрүү ороод Donate гэдэг дээр дараад хүссэн гишүүнд өөрийн пойнт онооноосоо өгч болно. Өөрөө бас бусдаас хүлээн авах боломжтой. Ганц сайттай холбоотой бараа байгаа юм уу бодит зүйлс оруулж болох уу? Мэдээж боломжтой. Бид цаашид ганц сайттай холбоотой зүйлс бус таны гар дээр очих бэлэгсэлтийг нэмэх болно. Нэмэлт пойнт оноонууд байгаа юу? Байгаа. Бонус оноонууд нь олон төрөл бий. Сайтад бүртгүүлсэн шинэ гишүүд 100 пойнт. Гишүүн бүр өдөрт сайтад зочлоод 200 пойнт Гишүүн бүр долоо хоногт сайтад зочлоод 500 пойнт Гишүүн бүр сардаа сайтад зочлоод 1000 пойнт бонус оноонуудыг тус тус авах эрхтэй. Та бүхэн өөрсдийн санал хүсэлтээ үлдээж пойнт оноогоо нэмээрэй.
  8. 1 point
    Түүхэнд хүн, юмс гэнэт л яасан нь үл мэдэгдэн алга болсон тохиолдол бишгүй тэмдэглэгдэн үлдсэн байдаг ч тэдний дундаас хамгийн нууцлаг нь Норфолкийн хатан хааны хороо алга болсон явдал юм. Энэ явдлын тухай олон домог, цуу яриа явсаар ирсэн. Тиймээс ч түүн дээр гардаг тоо баримт зөрүүтэй байдаг. Зарим нэг нь хороо алга болох үеэр 145 цэрэг байсан гэдэг бол нөгөө хэсэг нь хоёр зуун цэрэг байсан хэмээн баталдаг юм. Тэр бүү хэл 2000 гаруй цэрэг байсан гэх яриа ч бий. Ямартай ч энэ үйл явдал 1915 онд Туркийн Галлиполи хотын ойролцоо болжээ. Дэлхийн нэгдүгээр дайны үед энэ нутаг дэвсгэр дээр Тортонеллагийн төлөөх ширүүн тулаан болж байсан аж. Наймдугаар сард Суллагийн орчим шийдвэрлэх тулаан болсон байна. Энд Туркийн хүчнийхэн хамгаалалтыг барьж байж. Харин Британийн Норфолкийн хорооны батальонд дайсныг бат бэх хамгаалалттай бүсээс бут цохих үүрэг өгчээ. Ингээд цэргийн үүрэг авсан англичууд дайсныхаа зүг хөдөлсөн аж. Энэхүү хэлтсийн зарим цэргүүдийн цогцсыг дайны дараа олсон ч бусдынх нь хувь заяа хэрхэн эргэсэн нь одоо хэр тодорхойгүй. Яг л манан дунд орж төөрсөн мэт бараг л бүхэл бүтэн батальон алга болсонд цэргийн удирдлагууд, бусад анги нэгтгэлүүд ч түгшиж эхэлжээ. Дайны үеэр юу эс тохиолдох билээ, дайны талбараас цэргүүд зугтах явдал ч гардаг гэх. Гэхдээ бүхэл бүтэн батальон бөөнөөрөө оргочих нь гэдэг магадлал багатай. Түүнээс гадна хожим эдгээр хүмүүсийн талаар хаанаас ч сураг дуулдаагүй гэнэ. Шинэ Зеланд, Австралийн экспедицийн корпусын гурван цэрэг тухайн үеийн тулааны үеэр тун хачирхалтай зүйл ажиглажээ. Гэхдээ тэд дэндүү хожим буюу 1964 онд албан ёсны мэдүүлэг өгсөн байх юм. Тэд яагаад тавин жил амаа хамхих болов? Энэ гурван цэрэг цэргийн нууц хадгалж буй мэтээр энэ урт удаан хугацаанд болсон явдлын талаар хэнд ч ам нээгээгүй байж. Дээр өгүүлсэнчлэн Галлиполи орчимд тулалдаж байх үеэр хорооныхон нууцлагаар алга болжээ. Гурван цэргийн өгүүлснээр тэд ажиглалт хийхэд тохиромжтой газар байрлаж, 1915 оны наймдугаар сарын 12-ны өдөр Норфолкийн хатан хааны хороо уулын бэлээр өгсөж байхыг харж байжээ. Ажиглалтын хэсгээс Норфолкийн хорооныхон хүртэл ойролцоогоор 150 метр орчмын зайтай байж. Гурван цэрэг Норфолкийн хорооныхон уул руу өгсөж байхыг тайвнаар ажиглаж байгаад гэнэт хорооныхны өмнө хачирхалтай үүл маш доогуур бууж ирэхийг харжээ. Үүлний урт нь ойролцоогоор 240 метр орчим, харин өндөр нь 65 метр, өргөн нь 60 метр орчим байж. Маш өтгөн үүл урд нь халз тулж гарч ирсэн ч хорооныхон үүлэн дундуур ороод явчихаж. Харин үүлний нөгөө талаас гарч ирэх хүн харагдсангүй гэнэ. Хамгийн сүүлийн цэрэг үүлэнд халхлагдан орсноос нэг цаг орчим хугацааны дараа өтгөн үүл аажмаар газраас тасран дээш хөөрч, уулан дээгүүр нүүж байсан бусад үүлтэй нийлжээ. Ажиглаж байсан хүмүүсийн өгүүлснээр ойролцоогоор долоон том үүл байсан бөгөөд хүчтэй салхи салхилж байсан ч үүлнүүд байрнаасаа огт хөдлөхгүй, яг л тэндээ ихэд удсан гэнэ. Харин цэргүүдийг “залгисан” үүл газраас хөөрөн нэгдсэний дараа аажмаар Болгарын зүг рүү нүүж эхэлсэн бөгөөд гучин минутын дараа хараанаас тасарчээ. Норфолкийн хороо ул мөргүй алга болсон. Харин энэ үйл явдал ямар ч тулааны чимээ, буудалцаан сонсоогүй өөр ангийн цэргүүдийн нүдэн дээр болж. Ихэнх хүмүүс хороо бүрэн бүрэлдэхүүнээрээ олзлогдсон гэж үздэг. Гэвч Турк ялагдсаны дараа 1918 онд Британи улс цэргүүдийг буцаахыг шаардсан ч туркууд энэ хороог хэзээ ч хараагүй, олзонд ч аваагүй хэмээн хариулжээ.Тэр бүү хэл ийм хороо байдаг гэдгийг ч тэд мэдэхгүй байж. Тиймээс Британийн арми алга болсонд туркууд хамааралтай гэдэг нь батлагдсангүй. 1918 онд британичууд энэхүү хойгт дахин иржээ. Энэ удаа дайнд бүрэн ялалт байгуулсан ялагч талын хувьд ирсэн байна. Дайны талбарыг самнах үеэр Туркийн нэгэн тариачин газрынхаа хэсгээс олон тооны цогцос зөөвөрлөсөн тухай Британийн армийнхан мэдэж авчээ. Амь үрэгдсэн цэргүүдийг оршуулах асуудлыг хариуцаж байсан офицер 1919 оны есдүгээр сарын 23-ны өдөр Норфолкийн хороо олдсон тухай мэдээлсэн байна. Нийтдээ 186 цогцос олдсоноос 122 нь Норфолкийн хорооных байж. Харин ердөө хоёр цэргийн цогцсыг л хэн болохыг нь тогтоож чадсан байна. Эдгээр цогцоснууд нь туркийн хамгаалалтын шугамын цаана 750 метрт хаа сайгүй хаягдсан байсан гэнэ. Ингээд энэ асуудлыг хариуцсан офицер Норфолкийн хорооныхон дайны талбарт амь үрэгдсэн гэсэн анхны хувилбар батлагдлаа хэмээн мэдэгджээ. Гэвч энэхүү мэдэгдэл нь үнэнд нийцэх эсэх нь эргэлзээтэй. Хамгаалалтын шугамын цаана 750 метрт байх талбай нь тулааны талбар байгаагүй бөгөөд фронтоос километр гаруй зайд байгаа нь түүний мэдэгдэлд эргэлзэх бодол төрүүлж байгаа юм. Түүнчлэн олон цогцосноос ердөө хоёрхон хүнийхийг таньсан нь мөн л хачирхалтай. Гэхдээ хамгийн гол нь албаныхан удаан хугацаанд нууцалсан баримт байгаа юм. Цогцоснуудыг олсон гэх тариачны баталж байгаагаар талбайгаас олдсон цогцоснууд маш их сэглэгдсэн байсан гэнэ. Хөл гар нь хугарч, яг л асар өндрөөс унасан юм шиг болчихсон байсан гэж тариачин ярьжээ. Түүнчлэн цогцоснууд олдсон Сулва бүсэд ямар ч тулаан болоогүй гэдгийг Туркийн тал тухайн үед албан ёсоор баталж байсан. аж. Маш гайхалтай, нууцлаг түүх. 1915 оны наймдугаар сарын 12-ны өдөр үнэн хэрэгтээ юу болж өнгөрснийг тодруулж чадах хүн гарч ирэх нь юу л бол. Хэрэв нүдээр харсан хүмүүсийн яриа үнэн бол Британийн цэргүүдийг ямар нэгэн дээд далдын хүчин эзэмдэн авч, өөр цаг хугацаа, эсвэл өөр ертөнц бүр хаашаа ч юм авч одсон ч юм билүү гэсэн таамаглал төрөхөөр. Энэ таамаглалтай харь гариг судлаачид дуртайяа санал нийлдэг. Учир нь тэдний баталж байгаагаар харь гаригийнхан хүмүүсийг олзолсон тохиолдол бишгүй гардаг гэнэ. Эсвэл үүл рүү ороод хөвж яваад үүлнээсээ уначихсан ч юм болов уу? Британийн элитийн батальоны цэрэг офицерууд хаашаа алга болчихов? Энэ асуултанд өнөө хэр нь хариулт өгч чадахгүй байна. Тиймдээ ч хорьдугаар зууны хам­гийн гайхалтай оньсогуудын нэгд Норфолкийн хорооныхон алга болсон явдал тооцогддог юм.
  9. 1 point
    Орчин үеийн парапсихологичдын баталж буйгаар муур нь экстрасэнс шинж чанартай байдаг аж. Муур өвөрмөц зан авиртай, хэнийг хайрлах, хэнд дургүй байхаа өөрөө шийддэг амьтан гэнэ. Ялангуяа хар муурыг мэрэгч төлөгчид ажлынхаа зэмсэг болгож хэрэглэдэг. Жишээ нь эртний Египетэд ган гачиг болсон үед муурыг ашиглан бороо гуйж оруулах ёслол хийдэг байжээ. Египетэд муурыг ариун амьтан гэж бишрэн шүтдэг байсан тул алж болдоггүй учраас нууцаар үйлддэг байв. Тэгэхдээ заавал эмэгтэй төлөгч байх ба тарнитай усанд живүүлдэг байжээ. Муурыг айл гэрт аз жаргал авчирч гэрийн сүнсийг аргадан холбоо тогтоодог гэж үздэг ба Орос оронд муур сонгож авах бичигдээгүй хууль бий. Муурыг сонгож шилэхэд арьсны өнгө нь гэрийн эзэн юм уу эзэгтэйн үсний өнгөтэй ижил байх ёстой гэнэ. Хэрвээ тиймгүй бол тэр муур гэрт идээшин дасдаггүйгээс гадна муу юмыг ч дагуулах уршигтай аж. Гэхдээ муурыг их мөнгөөр худалдаж авч болохгүй бөгөөд бас үнэгүй авах ч учиргүй. Билэгдлийн шинж чанартай агуулж цөөн төгрөгийг чанасан өндөгтэй өгч солилцдог аж. Мууртай болсон айл гэртээ анх оруулахдаа зуухандаа хошууг нь хүргэдэг. Эсвэл гал зуухныхаа өрөөний голд муураа тавивал муур өөрийнхөө хэвтэх газрыг сонгодог гэнэ. Хамгийн сонин нь муур хүнд муу энерги дамжуулдаг газарт очиж хэвтдэг байна. Иймд муур хэвтдэг тэр газарт ор буйдан юм уу, ажлын ширээ, толио тавьж хэрхэвч болохгүй. Муур аливаа муу энергийг биедээ шингээж орон гэрт нь байгаа хар энергийг саармагжуулах буюу арилгадаг. Бас муур нь сайн муу ямарваа өөрчлөлтийг урьдаас мэддэг. Мууртай холбогдон үүсдэг зарим гайхалтай үзэгдлээс дурдъя. – Орост муурыг ширээн дээр гаргаж хэвтүүлэхийг огт хүсдэгүй Учир нь тэр гэр бүлийн хэн нэг нь нас бардаг гэнэ. – Хумсаараа шал маажвал салхилна. Өвөл бол цасан шуурга болно. – Хориглосоор байхад хана урвал цаг агаар муудна. Ширээний хөл маажвал адилхан. – Савраа долоож дээшээ харан хэвтвэл дулаарна. – Сүүлээ долоож толгойгоо нуувал цаг агаар муудна. – Найтаавал бороо орно. – Цагираглан хэвтвэл зундаа сэрүүн , өвөлдөө их хүйтэн болно. Муурны авир ааш хүмүүсийн амьдрал ахуйд ч гайхалтай шинжийг үзүүлдэг – Муур эздийнхээ хэн нэгний толгойд унтах дуртай болбол маш муу. учир нь ер зөгнөнө. Хүн өвчилнө. – Гэрийн хэн нэг нь хүндээр өвдвөл шал угаасан муу усаа мууран дээр асгаж гадаа түр гаргах юм бол өвчин зайлаад явчихдаг гэх ба биелэх нь элбэг. – Муур гурав дараалан найтаах юм бол хэн нэгэн ханиад хүрнэ. – Муур нүүрээ угааж чихээ самардвал гэнэтийн зочин удахгүй ирнэ. – Хадамд гарах гэж байгаа залуу бүсгүйн дэргэд найтаах юм бол аз жаргалтай айл болно. – Муур эзнээ хошуугаараа үнсэх юм бол аз завшаантай хэрэг тохионо. Энэ мэтээр аль ч улсад муурыг ид шид, агь тарнийн ёстой холбон тайлбарлах нь олон байдаг ажээ.
  10. 1 point
    Хүн бүр дахин давгагдашгүй. Бүгд өндөр нам, өргөн бүдүүнээрээ адилгүй. Бас зарим хүн бусдаас ялгагдахын тулд хумсаа, үсээ, сахлаа хэдэн жилээр ч авалгүй ургуулдаг байна. Негөө нь хүүхэд огт төрүүлэхгүй байхад зарим нэг нь 50-60 бүр хэдэн зуун хүүхэдтэй ч болдог аж. Ер бусын хүмүүсийн тухай сонирхуулж байна. Зүүн гарынх нь хумсны урт 6,12 метр Эрчүүдийг эмэгтэйчүүдээс ялгах нэг зүйл бол сахал үс нь. “Сайхан хүүхэн сахалтай” гэх хэлц уг байдаг ч эрүунээсээ 36 см урт сахал унжуулсан эмэгтэйд энэ үг хэр тохирох эсэх нь сонин. АНУ-ын Кентукки мужид XIX зуунд Женис Девери гэгч эмэгтэй амьдарч байсан бөгөөд түүний сахал нь 1884 оны байдлаар 36 см урт ургасан байжээ. Тэгвэл Энэтхэгийн иргэн Кальян Рамжи Саин 1976 оноос хойш ширвээ сахлаа хусалгүй ургуулж байгаа аж. Түүний энэ “гоёл” нь 1993 оны долдугаар сард 3,39 метр хүрсэн байжээ. Ингэхдээ баруун талын сахал нь 1,72, зүүн талынх нь 1,67 м байсан гэнэ. өөрөөр хэлбэл зөвхөн нэг талынх нь сахал нэлээн нуруулаг хүнтэй тэнцэхүйц урттай гэсэн үг. Жон Рой гэгч англи эр нутаг нэгтнүүдийнхээ дунд хамгийн урт сахалтайд тооцогдож байжээ. Тэрбээр 1939 оноос эхлэн хамрынхаа доорхи сахлыг хусахаа больсон бөгөөд 1976 оны дөрөвдүгээр сарьщ хоёрны өдрийн байдлаар туүний сахал 1,89 м урт болсон байжээ. Гэвч харамсалтай нь тэрбээр 1984 онд усанд орж байгаад санаадгүй сахал дээрээ суун үнэт эрдэнийхээ нэг талыг 42 см болтол нь тасалж орхижээ. Ширвээ сахлаа тэнцүүлэхийн тулд нөгөө талынхаа сахлыг ч хайчлахад хүрсэн байна. Орчин үеийн хүмүүсийн бараг тэн хагасаас илүү нь нүдний хараа муутай болсон. Тэгвэл өнгөрсөн зууны сүүлчээр нэгэн ер бусын хурц хараатай хүн амьдарч байжээ. АНУ-ын Техас мужийн Деннис М.Левигийн нүдний харааг 1984 онд тусгай комисс шалгасан. Тэрбээр нарийхан ногоон шугамын байрлалыг 0,85 секундын нарийвчлалтайгаар харсан байна. Энгийн үгээр тайлбарлавал 1,6 метрийн зайнаас 6 мм өргөнтэй татсан шутамыг харна гэсэн үг. Эхийн хэвлийд байхдаа шүд нь ургасан хүүхдүүд төрсен тохиолдол цөөнгүй бий. Тэгвэл 1990 оны дөрөвдүгээр сарын 10-нд Их Британид Кинийн гэр бүлд төрсен шинэ хүү 12 шүдтэй төржээ. Эхийнхээ хөхийг хөхөхөд нь хүндрэл учруулахгүйн тулд хүүгийн шүдийг авсан гэнэ. Шүдний тухай нэгэнт хөндөгдсөн болохоор хамгийн урт настай сүүн шүдтэй хүнийг сонирхье. Их Вританид төрсен Глэдис Тернер гэгч хуний сүүн шүд уналгүи үлдсэн бөгөөд 1920 онд 75 нас хүрэхэд нь унаагүй байсан гэнэ. Заримдаа шүд давхарлан ургаж нүүрний гоо сайхныг гажуудуулдаг. Гэтэл гурав давхарлан ургах нь ч байдаг гэнэ. Гол төлөв настай хүмүүсийн шүд гурав давхарлан ургадаг. Гэтэл 1896 онд Францад дөрөв давхарлан ургасан шүдтэй хүн бүртгэгджээ. Энэ тохиолдлыг анагаах ухаанд “Лизьений үзэгдэл” гэж тэмдэглэсэн. Хүний бэлхүүс гурван метрийн өргөнтэй ордог гэвэл та итгэх үү. Нью-Йорк хотын иргэн Уолтер Хадсон таргалж 545 кг болсон бөгөөд түүний бэлхүүс нь 3,02 метр хүрчээ. Хамгийн бүдүүн бэлхүүстэй хүн байгаа юм чинь бас хамгийн нарийхан бэлхүүстэй хүн гэж байна. Бие бялдар нь ердийн хөгжилтэй Этель Грейнжер гэгч англи эмэгтэй 1939 оны байдлаар 33 см бэлхүүстэй байжээ. Мән 1881-1939 оны хооронд амьдарч байсан Полер гэдэг овогтой (жинхэнэ нэр нь Эмили-Мари Бушан) гэгч франц жүжигчин эмэгтэй 33 см бэлхүустэй байсан гэдэг. Бмрм Улсын падаун буюу карени овгийнхны эмэгтэичүүд урт хүзүүг сайханд тооцдог уламжлалтай. Тэд хүзүүгээ урт болгохын тулд багаасаа цагариг зүүн сунгадаг. Ингэсээр хамгийн олон цагираг зүүж, хамгийн урт хүзүүтэй болж чадсан нь овгийнхоо хамгийн сайхан хүухэнд тооцогдоно. Энә овгийнхны дунд 40 см урт хүзүүтэй эмэгтэй амьдарч байна. Тэрбээр дэлхийн хамгийн урт хүзүүтэй хүн. Дэлхийн олон сая хүний дунд ер бусын гадаад өнгө үзэмжтэй янз бүрийн л хүн байдаг аж. Америкт 1926-1958 оны хооронд амьдарч байсан Роберт Эрл Хьюс гэгч эрийн цээжний тойрог 3,15 м байжээ. Хэрвээ түүнийг 32 җил амьдрахдаа тэгтлээ таргалсан гэж үзвэл бүсэлхийнийх нь тойрог хэд байсан нь сонин. Эрэгтэй хүмүүсийн хувьд сайхан байх гэдэг нь булчин шөрмөстэй байхыг хэлдэг. Тиим ч учраас эрчүүд төрөл бүрийн спортоор хичээллэн, хәл гарынхаа булчинг томруулахыг хичээдэг. Дэнис Сестер гэгч америк эр энә тал дээр даҗгүй амжилт олсоң байна. Түүний баруун гарынх нь булчингийн тойрог чангалаагүй байх үедээ 77,8 см хүрдэг гэнэ. Хүн нас барж эд эс нь өсөж үржихээ болчихоод байхад зөвхөн үс хумс нь л ургасаар байдаг билээ. Тэгвэл амьддаа ч хумсаа ургуулж ер бусын урт болгосон хүн байна. Шридхар Чиллал гэдэг энэтхэг эмэгтэйн зүүн гарынх нь хуруунуудын хумсны уртыг 1997 онд хэмжиж үзэхэд нийт урт нь 6,12 метр байжээ. Эрхий хурууны хумс нь 1,40 метр, долоовор хурууных нь 1,09 метр, дунд хурууных нь 1,17, ядам хурууных нь 1,28 харин чигчий хурууных нь 1,22 метр ургасан байжээ. Чиллап хамгийн сүүлд хумсаа 1952 онд авсан гэнэ. Дунд сургуульд сурч байхад маань манай ангид зүүн гарынх нь эрхий хурууны хажууд жижигхэн бас илүү хуруутай хүүхзд байсан. Тэгвэл 1921 оны есдүгээр сарын 16-нд Лондон хотноо төрсен хүүхэд гартаа 14 хуруутай, хөлөндөө 15 хуруутай байжээ. Одой хүн байснаа гэнэт 2.34 метр болтлоо өсчээ Ер бусын өндөр нуруутай хүмүүсийн тухай энд тэнд сонсогддог. Америз 1918 онд төрсөн Роберт Першин Уодлоугийн өндрийг хамгийн сүүлд 1940 онд хэмжихэд тэрбээр 2.72 метрийн өнздөртэй, гараа алдлахад урт нь 2.88 метр болдог байсан аж. Энэ ер бусын бищрхүү эрийг 21 нас хүрэхэд биеийн жин нь 222,7 кг байжээ. Аварга биет энә залуу 22-тайдаа нас барахдаа 2,74 метр өндөртэй байжээ. Эмэгтэй хүмүүс голдуу эрэгтэйчүүдээс намхан байдаг. Хятадын иргэн 1964 онд төрсен Сен Чун Линь гэгч эмэгтэй 1982 онд нас барахдаа 2,48 м өндөртэй байжээ. Тэрбээр өвчний улмаас бөгтөр болсон бөгөөд нуруугаа гүйцэд цэх болгож чаддаггүй байжээ. Энэ эмэгтэй дөрөвхөн сартай байхаасаа эхлэн суга өсч эхэлеэн бөгөөд дөрвөн настай жаахан хүүхэд байхдаа 1,56 метр өндөртэй байжээ. Гэтэл насанд хүреэн 1,50 метр өндөртэй хүмүүс байж л байдаг шүү дээ. Сен Чун Линь 13 настай байхдаа 2,17 метр өндөртэй аварга биетэн байсан бөгөөд гарынх нь алганы урт л гэхэд 25 см байсан гээд төсөөл дөө. Бас нэг хэвийн буе өндөр эмэгтэйн араг яс Бирмингемийн Анагаах ухааны Их сургуулийн музейд хадгалагдаж буй. Жейн Банфорд 1895-1922 оны хооронд амьдарч байсан. Түүний араг ясны урт 2,235 метр. Тэрбээр ердийн өсөлттэй хүүхэд байсан боловч 11 настайдаа толгойндоо гэмтэл авенаасаа хойш ер бусын хурдацтайгаар өсөх болсон байна. Улмаар 13 хүрэхдээ 1,98 метр хүрч, нас барахаасаа өмнөхөн өндәр нь 2,41 метр гэж бүртгэгджээ. Хэвийн буе өндөр биетэй хүмуүс өөртэйгээ ижил хүнийг олно гэдэг бэрхшээлтэй асуудал. Гэсэн ч олоод зогеохгүй хайр сэтгэлтэй болж ханилж суусан хүмүүс ч байдаг аж. Канадын иргэн Анна Хэнен Суон 2,27 метрийн өндөртэй. Тэрбээр 2,20 метрийн өндөртэй өөрөөсөө яльгүй “намхан” Мартин ван Бейтс гэдэг америк эртэй гэрлэж дэлхийн хамгийн өндөр гэр бүлийн хүмүүс болжээ. “Заяаны ханиуд бие биетэйгээ адилхан байдаг” гэж хүмүүс ярилцдаг. Тэгвэл хоорондоо ямар ч адилгүй хүмүүс гэр бүл болсон нь ч бий. Фабиан Прету гэгч 1,88 метрийн өндөртэй франц эр 94 см өндөртэй Натали Локьютэй гэрлэн дэлхийн хамгийн эре тэс гэр бүл болжээ. Тэмээ ямаа шиг энэ хосын биеийн өндрийн ялгаа 94,5 см гэнэ. Байгаль эх заримдаа хэн нэгний өсөлтийг мартаж зогсоогоод дараа нь “шархаа нөхдөг” тохиолдол мэр сэр байдаг гэнэ. Австрид төрсен Адам Райнер 21 настайдаа дөнгөж 1,18 метр өндөртэй байсан бөгөөд өөрийгөө одой амьтан гэж гутардаг байжээ. Гэтэл тэрбээр гэнэт өсч 1931 онд 2,18 метр өндөртэй болжээ. Байгаль эхийн энә ‘ хатуу тоглоомыг түүний бие организм нь хүлээж авч чадалгүй сульдаж, сүүлдээ тэрбээр хэвтэрт орсон байна. Улмаар 51 настайдаа нас барахдаа, 2,34 метр өндөр болжээ. Энэ нь нэг хүн амьдралынхаа туршид одой ч байж, аварга биет ч болж үзсэн цорын ганц тохиолдол гом. Одой хүмүүс зөвхөн үлгэрт гардаггүй. Одоогийн байдлаар хамгийн жижигхэн биетэй насанд хүрсэн хүнээр 1957 онд Нью-Делид төрсен Гал Мохаммед тооцогдож байна. Түүнийг 1990 онд тус хотын Рам Манохарын эмнэлэгт тусгай комисс шинжилж үзэхэд 57 см өндәр, 17 кг жинтэй байжээ. өөрөөр хэлбэл 33 настай том хүн нэг ойтой хүүхэдтэй адил биетэй гэсэн үг. Эмэгтэй хүмүүсийн дотроос хамгийн жижиг биетэйгээр Полин Мастерс гэдэг эмэгтэй бүртгэгдсэн. Тэрбээр Гүнж Полин гэдэг нэрээр алдаршсан. Энэ эмэгтэй 1876 оны хоёрдугаар сарын 26-нд Голландад төржээ. Тэрбээр есөн настай байхдаа 55 см өндәр, 15 кг жинтэй байжээ. Түүнийг нас барсан хойно нь шинжлэхэд 61 см өндөртэй байсан гэнэ. Урьд нь “Ертөнцийн хачин” буландаа аймшигтай тарган, бас туранхай хүмүүсийн тухай сонирхуулж байсныг уншигч та санаж байгаа байх. Тэгвэл манай дэлхий дээр амьдарч байсан хүмүусээс Америкийн иргэн Бровер Миннок хамгийн хүнд жинтэй нь байжээ. Тэрбээр 1963 онд 178 кг, 1966 онд 317 кг, 1976 онд 442 кг байсан. Миннокийг 1978 онд зүрхний дутагдал гэсэн оноштойгоор яаралтай эмнэлэгт хэвтүүлэхэд жин нь 635 кг байсан гэнэ. Улмаар эмч нарын хяналтан дор тэрбээр хоёр жилийн турш өдөрт 1200 калориос илүү илчлэггүй хүнс хэрэглэн хоолны дэглэм барьсны ачаар 216 кг болтлоо жингээ хасч чадсан байна. Гэвч долоохон хоногийн дотор 89 кг таргалж 1981 онд дахин эмнэлэгт хэвтжээ. Тэрбээр 1983 оны аравдугаар сард нас барсан бөгөөд энә үед жин нь 362 кг байсан гэнэ. Бровер Миннок 1979 оны долдугаар сараас хойш 16 сарын дотор 419 кг турж, 635 кг байснаа 216 кг болсон юм. Хамгийн хүнд жинтэй эмэгтэйгээр мөн Америкийн иргэн Розали Брэдфорд бүртгэгдсэн. Тэрбээр 1943 онд төрсен бөгөөд 1987 оны байдлаар түүний жин нь дээд цэгтээ тулж 544 кг болжээ. Хэт таргалалтыг зүрх нь дийлэхгүй болсон тул эмч нарын хяналтан дор хатуу дэглэмээр хооллох болж улмаар 1994 он гэхэд 128 кг жинтэй болжээ. Тэгвэл хамгийн туранхай хүн XIX зуунд Мексикт амьдарч байжээ. Лючия Сарате 17 настайдаа 67 см өндәр 2,13 кг жинтэй одойгийн одой хүн байжээ. Тэрбээр 30 нас хүрэхдээ 5,9 кг болтлоо “таргалсан” гэнэ. 525 хүү, 342 охины эцэг Хүн төрөлхтний түүхэнд нэг эхээс 69 хүүхэд төрсен тохиолдол бий. Оросын тариачин Феодор Васильевын гэргий 1725-1765 оны хооронд 27 удаа төрөхдөө 16 удаа хоёр ихэр, долоон удаа гурван ихэр, дөрвөн удаа дөрвөн ихэр хүүхэд төрүүлжээ. Энэ 69 хүүхдийн хоёр нь багадаа эндсэн гом байна. Одоо үед амьдарч байгаа хүмүүсээс хамгийн олон үр удам гаргасан нь Чилийн иргэн Леонтина Альбина. Тэрбээр 1943-1981 оны хооронд 55 хүүхэд төрүүлжээ. Эхний таван төрөлтдөө тэрбээр бүгдэд нь гурван ихэр хүүхэд төрүүлсэн бөгөөд бүгд эрэгтэй хүүхэд байсан гэнэ. Розанна Далла Корта гэгч итали эмэгтэй 1994 онд шуугиан тарьсан. Тэрбээр 63 настайдаа хүү төрүүлж хамгийн хожуу төрсен эхээр тодорсон. өмнө нь ганц ч удаа хүүхэд гаргаагүй бөгөед олон жилийн турш үргүйдлийн эерэг эмчилгээ хийлгэжээ. Мен 1996 онд өмнөд Калифорнид 63 настай эмэгтэй хүүхэд төрүүлеэн гэсэн мэдээ бий. Италид 1955 онд 10,2 кг жинтэй хүү төрсен тохиолдол бий. Харин манай үед буюу 1992 онд Их Британид төрсен Гай Уорвик Карр хүү долоон кг жинтэй төрж ээжийгээ багагүй зовоожээ. Одоогоор хамгийн урт насласан хүнээр Францын иргэн Жанна Луиза Кальма тооцогдож байна. Тэрбээр 1875 оны хоёрдугаар сарын 21-нд төрсен бөгөөд 122 настайдаа өөд болсон юм. Эмэгтэй хүний хүүхэд төрүүлэх чадварт ямар нэг зааг байж болдог бол эрэгтэй хүнд ийм зүйл байдаггүй бололтой. Олон эхнэртэй байхыг зөвшөөрдөг орнуудад олон хүүхэдтэй эцгүүд ердийн үзэгдэл. Мароккогийн султан Мулай Исмаил (1672 -1727) 1703 оны байдлаар 525 хүү, 342 охинтой байсан гэнэ. Тэрбээр 1721 онд 49 настай байхдаа 700 дахь хүүхдийнхээ зулайг үнэрлэжээ. Тэгвэл ач, гуч бүр дөчөө үзсэн азтай хүн ч байна. АНУ-ын иргэн Сэмюэл С.Маст 1992 онд нас барахынхаа өмнө өөрийн 11 хүүхдээс төрсөн 97 ач, 634 гуч, 82 дөч нийлеэн 824 үр удамтай байжээ.
  11. 1 point
    Энэхүү үзэгдэл нь алдарт Стивен Кингийн нэгэн зохиолынх нь хэсэг билээ. 35 жилийн турш өөрийн амьдралаа зөвхөн ном бичихэд зориулсан тэрээр жар гаруй ном хэвлүүлжээ. Түүний "Кэрри”, "The Shining”, "Misery”, "The Green Mile” зэрэг бүтээлүүд нь шилдэг борлуулалттай номоор шалгарч байсан ба хэд хэдэн зохиол нь кино болон олон түмэнд хүрч байлаа. Стивен Эдвин Кинг нь 1947 онд Мэн мужийн Портленд хотод мэндэлжээ. Гэвч энэ гайхалтай vйл явдал болсноос хойш хоёрхон жилийн дараа Стивений аав гэр бүлээ орхин одсоноор ядуу тарчиг, гачлант амьдрал нь эхэлсэн байна. Түүний ээж аавыг нь явснаас хойш Стивен болон түүний ах Дэвид нарыг өсгөхийн тулд хар бор ажил хийн амь зуух болов. Гэвч тэр ээжийгээ яг л аав шиг нь хэзээ нэгэн өдөр өөрсдийг нь хаяад явах байх гэж боддог байлаа. Ядуу тарчиг амьдралдаа гутарч, айдас хүйдсээр дүүрэн өдрийг өнгөрөөж, бүх л зүйлээс айна.. Үхлийн талаарх бодлууд нь түүнийг улам айдаст автуулна. Жорлонгоос уначихвий гэх айдсаас эхлээд дүүжлүүрээс дүүжлэгдчихсэн, нүдийг нь хэрээ тоншчихсон нүүр нүдгүй цус болсноор өөрийгөө төсөөлдөг байв. Ер нь тэрээр амьдрал дээр буй бүхнээс айдаг байсан нь амьдралыг нь улам хэцүү хүнд болгож байв. Өсч томрох тусам "аймшиг”-тай улам холбогдож яг л галзуу юм шиг өдөр хоногийг өнгөрөөдөг болов. Нэгэн удаа авга эгчийнхээ гэрийн дээврийн хөндийгөөс зөгнөлт болон аймшгийн зохиолоор дvvрэн хайрцаг олсноор түүний аймшгийн зохиол бичих эхлэл нь тавигдсан байна. Ингээд тэрээр энэ төрлийн ном ихээр унших болж, өөрөө ч бичих болсон билээ. Стивений хүүрнэл зохиол нь өдөр тутам хэрэглэгддэг, энгийн, ярианы хэлээр дүрслэгддэг бөгөөд зохиолынхоо хүрээлэн буй орчны жижиг сажиг зүйлд хүртэл анхаарлаа хандуулж хянуур ханддагаараа бусдаас онцгой байдаг билээ. 1971 оны нэгдүгээр сард Табита Спрюс гэх нэгэн бүсгүйтэй ханилж, гэр бүл болсон байна. Тэдний гэр бүл Кингийн ахлах сургуулийн багшийн цалингаар амьдралаа чүү чамай болгодог байлаа. Төлбөр тооцоогоо төлөхийн тулд угаалгын газарт ажиллаж, мөн сонин сэтгүүлд өгсөн бүтээлийн урамшуулал зэргээрээ амьдралаа болгодог байв. Гэсэн ч түүний зохиол бичих ажил нь тийм ч гайхалтай дардан байсангүйгээр барахгүй бүтээлүүдийг нь хэвлэлийн газрууд авахаас татгалздаг байлаа. Гэсэн хэдий ч тэр бууж өгсөнгүй. Улмаар Стивен "Кэрри" хэмээх номоо гаргаж, ихээхэн амжилт олжээ. Гэтэл энэ үед түүний ээж өөд болж, амжилтын цуурай нь сэтгэл гутралыг нь эдгээж чадсангүй. Үүнийгээ даван туулахын тулд архи, хар тамхинд донтож эхэлсэн байна. Сүүлдээ уусан үедээ хамаг уураа хүүхдүүддээ гаргадаг болж, тэднийгээ гэмтээх гэсэн хүсэл нь түүнийг шаналгах болов. Тиймээс энэ талаар ямар нэгэн зохиол бичих юм бол ийм зүйл хэзээ ч болохгүй гэж Стивен бодох болжээ. Ингээд "The shining” зохиолоо бичиж эхлэв. Энэ зохиол бол өөрийг нь алах гэж оролддог архичин эцэгтэй нэгэн бяцхан хүүгийн талаарх түүх юм. Энэ нь түүнийг архинд орсноос хойших амжилтанд хүрсэн анхны зохиол болсон юм. Тэрээр " Сүүлчийн шөнийн марафон” зохиолоо бичиж байхдаа нойргүй хонож, өөрийгөө гаргуунд нь гаргаж байлаа. Нэгэн шөнө түүний хамраас цус гарч, огт тогтохгүй байв. Бичиж буй цаас болон, бичгийн машин нь дүүрэн цус болжээ. Энэ нь өөрийгөө үл тоон хэд хоног ажилласны үр дүн хэдий ч мөн архи, тамхи нөлөөлсөн нь мэдээж. Учир нь тэрээр архи уулгүй бүтээл туурвиж чадахаа больтол тийм их хамааралтай болсон байлаа. Түүний энэ хараат байдал улам өрөвдөлтэй байдалд хүргэж байв. Архи уух хүслээ хангахын тулд алкохол агуулсан ам зайлагч хүртэл уух болсон байна. 1986 оны Америкийн шилдэг борлуулалттай номоор Стивений "Misery” зохиол шалгарсан хэдий ч удалгүй тэрээр шүүмжлэлд дарагдаж эхлэв. Түүнийг хэтэрхий хэрцгий, зэрлэг байна гэж уншигчид болон бусад хүмүүс үргэлж шүүмжлэх болов. Хэдийгээр Стивен өдөрт хамгийн ихдээ л гуравхан цагийг эрүүл өнгөрүүлдэг байсан ч энэ байдал нь түүний сэтгэхүй болон ном бичих арга барилыг нь илүү хөгжүүлж байлаа. Архи, хар тамхинд донтсон байдал, энд тэндхийн шүүмжлэл зэрэг нь түүний оргилыг ганхуулж байсан юм. Табита Кинг нэг өдөр нөхрийгөө ширээнийхөө өмнө бөөлжсөндөө хутгалдан ухаан балартан хэвтэж байгааг олжээ. Эцэст нь Табита хангалттай их тэсэж байгаагаа ухааран үүнийг нэг тийш шийдэхийг хүссэн байна. Нөхрийнхөө өрөөнөөс цагаан дарь , кокэйн, пивоны шилнүүд, ам зайлагч шингэний савнууд их хэмжээгээр олжээ. Олсон хог хаягдлаа нөхрийнхөө өмнө тавиад хувиа бодсон энэхүү байдлаа үргэлжлүүлсээр байвал түүнийг орхиж явна гэж анхааруулсан байна. Стивен тэр зүйлсийг хараад энэ байдлаа өөрчлөхгүй бол өөрийн гэр бүл, тэр ч байтугай амьдралаа алдана гэдгээ ухаарсан юм. Хэдий тийм боловч түүнд бичиж чадахаа болих вий гэх айдас төрж байлаа. Хуучин байдалдаа эргэн орохын тулд тэмцэж эхэлсэн бөгөөд түүний эхнэр ч дэргэд нь үлдсэн байна. Табита Кинг нөхөртэйгөө хамт хэцүү өдрүүдийг өнгөрүүлж, бичихэд нь тусалж, бага багаар түүний чадварыг нэмэгдүүлж байлаа. Хэдийгээр түүний бичих онгод хар тамхи, архиар удаан "тэжээгдээгүй” ч, түүний амьдралыг хар бараан зүйлсээр дүүргэж, бичих чадварыг нь үгүй хийх дөхсөн юм. 1999 оны зургадугаар сарын 19-нд Стивен Кинг Мэний Бангор дахь зуны байшингийнхаа ойролцоо явж байхдаа ачааны том машинд мөргүүлсэн байна. Тэрээр маш хүнд бэртэл авав. Уушги нь цоорч, хөл нь маш олон хугарсан байлаа. Авсан гэмтлээ эдгээх гэж олон удаа хагалгаанд орсон ч бүр мөсөн эдгэж, эрүүл мэнд нь хэвийн байдалдаа орж чадаагүй билээ. "Харанхуйн цайз” цувралын сүүлийн номондоо ослынхоо талаар бичиж үлдээсэн байдаг байна. Өнөөг хүртэлх түүний амьдрал Стивен Кингийн цорын ганц хар дарсан зүүд байсан юм. Үүнийг даван туулж чадсанаар түүний хувьд хар дарсан зүүд нь эцэс болжээ.
  12. 1 point
    Та төрсөн он сар өдрөө ашиглан “амьдралын тоогоо” тодорхойлж зан төлөвөө мэдэж болох зурлага байдаг. Ингэхдээ төрсөн он сар өдрийнхөө цифрүүдийг 1 оронтой болтол хооронд нь нэм. Жишээ нь 1982 он 5 сар 17 өдөр төрсөн гэвэл 1+9+8+2+5+1+7=33. Дахин 3+3=6 болж таны амьдралын тоо 6 гэсэн үг. Амьдралын тооны хариулт
  13. 1 point
    Serpent Tавтай морил :) Бүртгүүлсэнд баярлалаа.
  14. 1 point
    Хэдэн өдрийн турш манай орчуулагч админ Жоанна /Цоомоо/ болон би энэхүү комикийг та бүхэнд хүргэх гэж хичээнгүйлэн бэлдсэн юм. Энэ "Арьс" нэртэй комик нь 6 хэсгээс бүрдэх болно. Үзсэнийхээ дараа сэтгэгдэлээ бичиж үлдээгээрэй. Та бүхний урам дэмжлэгээс хамаарч цаашид бид иймэрхүү комикийг сайтдаа нэмж оруулах болно. Гол ажилыг нугалсан орчуулагч админ Жоанна-даа баярлалаа гэж хэлэх нь зүйтэй байх. Хэрвээ чамд энэ комик таалагдсан бол сэтгэгдэлээ бичиж үлдээхээ мартваа!
  15. 1 point
    nominn Tавтай морил :) Бүртгүүлсэнд баярлалаа.
  16. 1 point
    ED107 Tавтай морил :) Бүртгүүлсэнд баярлалаа.
  17. 1 point
    Комик үзэх дуртай уншигч та бүхэндээ зориулан би нэгэн шинэ комикыг хүргэж байна. Бидний оруулдаг комик бүхэн та нарт маш их таалагдаж шинэ комикийг хүлээж байдаг гэдэгт итгэж байна. Ингээд нэгэн түүхээр та бүхнийг аялуулъя. Эхлээд заавартайгаа танилцаарай. ЗААВАР: "МАРГОТЫН ӨРӨӨ" хэмээх нэртэй комикыг уншихын өмнө эхлээд та нар дугаарын дарааллаар тайлбар дээрх үгсээр нь Комикийн нүүр хуудсан дээр байрлах зурган дээрх МАРГОТ охины өрөөний цэцэг, тоглоом гм зүйлс дээр дарж түүхүүдийг дарааллаар нь унших ёстой. Марготын өрөөний шалан дээр цус урсаж түүний өрөөний цонхоор сарны гэрэл тусаж бороо шивэрнэ. Чухам бяцхан охин Марготын өрөөнд юу тохиолдсон бол? Энэ шалаар нэг урссан шинэхэн цус хэнийх вэ? Мэдэхийг хүсвэл дараах заавраар уншаарай. 1. Тэр надад цэцэг бэлэглэсэн 2. Би түүнд тоглоом хийж өгсөн 3. Тэр надаас явсан 4. Бид хана мөргөв 5. Сүүлд нь цус асгарсан (Сарны гэрэлд асгарсан шинэхэн цус) Хэрвээ чи Марготод тохиолдсон явдлыг мэдмээр байвал дээрх заавраар үзээрэй. Мэдээж эхлээд үзэхийн тулд "КОМИК ҮЗЭХ" товчин дээр дарах ёстой Хэрвээ чамд энэ комик таалагдсан бол сэтгэгдэлээ бичиж үлдээхээ мартваа!
  18. 1 point
    Одоохондоо Reaction болон сайтын үндсэн мэдээ нтр-т пойнт байхгүй байгаа. Удахгүй болгоноо
  19. 1 point
  20. 1 point
    @Legend X ♥ Tnx <3
  21. 1 point
    Хуучин манайд орж байсан нэгэн комик эргэн сайтад ирлээ БИДНИЙ ЦУСАНД БУДАГДСАН ДЭЭВЭР: Гурван хүүгийн бага нас болоод тэдний гэр бүлийнхэнд тохиолдсон сонирхолтой үйл явдал гарах болно. Айлын бага хүү Вьюс, дунд хүү Рэнди, том хүү Жэйрэд нарт ямар зүйл тохиолдохыг уг комикоос сонирхох боломжтой.
  22. 1 point
  23. 1 point
    Тэгэхдээ сэтгэлзүйчдийн энэ тодорхойлож байгаа нэршил утаггүй зүйл Sociopath PSYCHOPATH энэ тэр төрлхийн болоод олдмол л гэж ангилаад байгаа юм Psychopath ууд ямарч мэдрэмжгүй төрлхийн мэдрэх чадваргүй гэлцдэг уг нь тийм биш хэн нэгнийг гэмтээхдээ ямар үр дагвар гарж болох талаар тэд сайн мэддэг харин ямар нэг өөрт таалагдсан зүйлээ мэдрэж чадвал тэрнээсээ тодорхой хэмжээний мэдрэмж авдаг хүмүүс байдаг сонирхолтой гэвэл 40 өөс 50 хүн тутмын нэг нь психопат гэсэн байдаг
  24. 1 point
    Шотландын Аберлоур хотын өнчин хүүхдийг асрах газрын захирал Реверенд Чарлез Жупп Шотландын Аберлоур хотын өнчин хүүхдийг асрах газрын захирал Реверенд Чарлез Жупп хэмээгч 1878 оны өвлийн нэгэн шөнө гэнэтийн зочид ирсэн тул тэдэнд өөрийнхөө орыг өгч өөрөө өнчин хүүхдүүдийнхээ унтдаг нийтийн унтлагын заалд, саяхан ирүүлсэн гурван өнчин хүүхдийн дэргэдүүр орж унтсан байна. Шөнө дундын үед ямар нэгэн зүйлээс болж тэрээр сэрсэн бөгөөд, юунаас болж сэрснээ мэдэхээр ийш тийшээ харвал, нэгэн жижиг манан мэт гэрэлтсэн зүйл саяхан ирсэн өнчин хүүхдүүдийн нэгний дээр хөвж явахыг харсан ажээ. Тэрээр энэ тухайгаа сүүлд ярихдаа, “Энэ бол үл тайлагдах аймшигтай боловч гайхамшигтай сайхан үзэгдэл байсан. Тэрхүү гэрэлтсэн манан мэт зүйл нь тэргэл сарны гэрэл мэт цайран харагдаж байсан юм.” хэмээжээ. Тэрээр зүүдлээгүй гэдгээ нэгэнт мэдсэн хойноо тэрхүү нөгөө ертөнцийн зүйлд гараараа хүрч үзэх сонирхол төрж, орноосоо босох гэтэл ямар нэгэн үл үзэгдэх шийдмэг боловч зөөлөн гар түүнийг буцаан дарж хэвтүүлэхийг тэрээр мэдэрсэн байна. Түүнийхээ дараа тэрхүү нөгөө ертөнцийн зүйл түүнд ямар нэгэн зүйл хэлэхийг тэрээр сонсоогүй боловч ойлгосон ажээ. Ийнхүү тэр нөгөө ертөнцөөс ирсэн зүйл түүнд “Чи хэвтэж унт. Чамд ямар ч муу юм болохгүй” гэхийг тэрээр ойлгосон бөгөөд ямар нэгэн сайхан мэдрэхүй түүнийг эзэмдэн авч тайвшруулсан тул тэрээр даруй унтсан байлаа. Маргааш өглөө нь хүүхдүүдээ хувцаслуулж байтал урд шөнө дээр нь нөгөөх гэрэлт зүйл ирж тогтсон байсан шинэ хүүхэд түүнээс “Мистер Жупп урьд шөнө миний ээж ирж надтай уулзсан. Харин та түүнийг харсан уу.” хэмээн асуусан ажээ. Реверенд Жупп энэ асуултанд үл хариулан инээмсэглээд түүнийг өглөөний цайндаа орохыг урьсан ажгуу.
  25. 1 point
    “9/11” террорист халдлага 2001 оны 9-р сарын 11-нд худалдааны хоёр ихэр барилга нурсан эмгэнэлт өдрийн зураг. 2001 оны есдүгээр сарын 11-ний террорист халдлагыг зохион байгуулалттай хуйвалдааны үр дүн байсан гэдэгтэй маргах хүн үгүй. Yйл явдалд задлан шинжилгээ хийхэд маш сайн төлөвлөгдсөн, хэсэг бүлэг хүмүүсийн зохион байгуулалттай гэмт хэрэг гэдэг нь илт харагддаг. Харин хэн хэн хуйвалдан зохион байгуулсан бэ гэдэг асуулт гарч ирнэ. Хуйвалдааны нэг хэсэг нь Осама Бин Ладен болон онгоц барьцаалагчдын бүлэг байсан нь тодорхой. Гэвч Ерөнхийлөгч Ж.Буш болон Дэд ерөнхийлөгч Дик Чейни нар оролцсон байж болох уу? Пол Уолфоуиц болон Дональд Рамсфелд нарын Ж.Бушийн зөвлөхүүд Бин Ладентай хамтран зохион байгуулсан ч юмуу, эсвэл халдлага хийхийг нь зориудаар зөвшөөрсөн байж болох уу? Уг халдлагыг дотроосоо зохион байгуулсан гэх таамаглал ч бий. Yйл явдлын талаар зөрчилдөөнтэй зүйл олон бий. Тухайлбал, нэг барьцаалагдсан онгоц нь “Пентагон”-ыг мөргөөгүй юм бол “77 дугаар Нислэг” болон зорчигчид нь хаачсан болж таарах вэ? Магадгүй 1947 онд Нью-Мексикт шуурганд осолдож, сэг нь Охайогийн “Хангар 18” гэх газар руу ачигдсан гэх сансрын нисдэг биеттэй хамт байгаа юм болов уу? Ямартай ч халдлагын талаар одоо хүртэл учир нь үл ойлгогдох олон сэжиг таамагал байсаар байна. Диана гүнжийн үхэл Диана гүнжийн үхлийн тухай сонин дээр нийтлэгдсэн үе. 1997 оны наймдугаар сарын 31-нд Парис хотын газар доорх зам дээр машины ослоор амиа алдсан Диана гүнжийн үхлийн талаар олон маргаантай асуудал байдаг. Энэ явдал олны хайр талархлыг хүлээсэн, тийм нэр хүндтэй атлаа бусдын гарт амиа алдсан Жон Ф.Кеннедигийн аллагын адил дэлхий нийтийг цочролд оруулсан билээ. Диана гүнжийн талаар олон баримт дурдаж болно. Тухайлбал, язгууртан хүмүүс ихэвчлэн нас өндөр болоод, эсвэл улстөрийн шалтгаанаар алагдаж нас бардаг боловч хэзээ ч жирийн нэг согтуу жолоочийн буруугаас болж амиа алдаж байсангүй. Түүний үхлийн шалтгааны талаар хачирхалтай таамаг байдаг нь нэгэн тэрбумтан энэхүү ослыг зохион байгуулсан гэх. Тэр бол Дианатай хамт ослоор нас барсан Доди Аль-Фаедийн эцэг Мохамед Аль-Фаед юм. М.Аль-Фаед ослыг Хатан хааны захиалгаар Британийн тагнуул зохион байгуулсан хэмээн сэжиглэдэг. Гэвч энэ нь ор үндэсгүй болох нь 2006 онд батлагдсан. Дараа жил нь уг осолд хийсэн шалгалтаар Диана болон Аль-Фаед нар согтуу жолоочийн буруу үйлдэл болон тэднийг хөөж явсан папарацциудаас болж хууль бусаар алагдсан гэсэн дүгнэлт гарчээ. Саран дээр анх хөл тавьсан гэх яриа АНУ-ын сансарын нисгэгч Нил Армстронг анх удаагаа саран дээр хөл тавьсан хүн гэгддэг. Түүний зураг нь. 1978 онд Америкийн сансрын нисгэгчид болон Америкийн Сансар судлалын үндэсний төв нэгэн видео бичлэгээр Ангараг гараг дээр буусан хэмээн худал мэдээлэл цацсан. Тааруухан бичлэгтэй иймэрхүү киногоор хэн ч Ангараг дээр буусан хэмээн зүтгээд байж чадна. 2001 онд “Фокс” сувгын “Бид саран дээр буусан уу?” хэмээх нэвтрүүлгээр 1969 онд “Аполло” хөлөг саран дээр бууж байгаа албан ёсны бичлэг болон гэрэл зургуудын эхийг хооронд нь харьцуулан олон зөрчилдөөнтэй баримтуудыг гаргаж ирсэн. Гэвч тэд саран дээр буугаагүй гэдгийг батлахуйц тэдгээр гэрэл зургууд яагаад ил гарсныг тайлбарлаагүй. Мөн саран дээр буух үедээ авсан гэх чулууг сансрын биет гэдгийг нь хэн ч батлаагүй. Пол Маккартнигийн “үхэл” The Beatles 1960-аад оны үеийг тойрсон нэгэн хачирхалтай цуурхал байдаг. Тэр нь “Битлс” хамтлагийн дуучин Пол Маккартни 1966 онд нас барсан гэх яриа юм. Хамтлагийн гишүүд, менежер болон зарим нэг хүмүүс түүний үхлийг нууцалж, П.Маккартнитай адилхан царайтай, хоолойтой хүнээр түүнийг орлуулсан гэдэг. Хэдийгээр тэд Полийн үхлийг нууцлахыг оролдож байсан ч, шүтэн бишрэгчдэд нь энэ уй гашууг мэдрүүлэх зорилгоор цомог, дуу хөгжимдөө далд санаагаа илэрхийлсээр байжээ. Тухайлбал, “Сүмийн гудамж” цомгийнхоо нүүрэнд хамтлагийн дөрвөн гишүүн зам хөндлөн алхаж байхад П.Маккартни ганцаараа хөл нүцгэн бөгөөд алхаа нь бусдаасаа зөрсөн байдаг аж. Ж.Кеннедигийн аллага АНУ-н ерөнхийлөгч Жон Кеннеди болон тэргүүн хатагтай. /хэдэн хормын дараа түүнийг буудаж хөнөөсөн/ АНУ-ын Ерөнхийлөгч Жон Кеннеди 1963 онд Даллас хотод цуваанд явж байхдаа алагдсан. Түүнийг хэн алсан байж болох вэ? Ихэнх хүмүүс түүнийг Лий Харви Освалд гэгч номын агуулахаас буудсан гэдэг. Энэ үйл явдлын учир шалтгааны талаар олон таамаг, яриа бий. Хэрвээ Освалд ганцаараа энэ хэргийг үйлдсэн бол хэн түүнд тушаал өгсөн байж болох вэ. Фидель Кастрогийн эсрэг тэмцэгчид үү. Зохион байгуулалттай гэмт хэргийн бүлэглэлийн удирдагч уу. Эсвэл Ж.Кеннедигийн нэр холбогдсон эмэгтэйчүүдийн аль нэгнийх нь нөхөр үү? Зарим дүгнэлтээр Освалд энэ хэргийг ганцаар үйлдсэн гэдэг ч хуйвалдаан байсан төдийгүй аллагад нэг бус мэргэн бууч оролцсон гэж үздэг. Росвелд осолдсон нисдэг биет 1947 оны долдугаар сарын долооны өдөр Нью-Мексикийн Росвел хотын ойролцоо нэгэн нисдэг биет шуурганд осолдсон аж. Гэвч осол болсон газрыг тэр даруйд нь цэвэрлэсэн бөгөөд нисдэг биетийн сэгийг Охайо мужийн Дейтон хотод орших “Врайт-Паттерсон”-ын Нисэх хүчний баазын “Хангар 18” нэртэй онгоцны агуулахад аваачсан мэдээ байдаг. Эхэндээ АНУ-ын Засгийн газар үүнийг нисдэг тавагны төрөл байсан гэж мэдэгдсэн ч сүүлдээ мэдэгдлээ буцааж, цаг агаар судалж явсан нисдэг бөмбөлөг байсан хэмээн зарласан. Харин зарим нэг гэрчийн мэдээллээс үзэхэд энэ нь “Могуль” нэртэй нууцын зэрэглэл бүхий цэргийн тагнуулын хөлөгтэй төстэй байсан аж. Магадгүй энэ нь Хүйтэн дайны үед тагнуулын ажиллагаагаа нуух оролдлого ч байж болох. “Зионы ахмадуудын ёслол” Зионы ахмадуудын ёслол нэртэй номонд еврейчүүд дэлхийд ноёрхохын төлөө хуйвалдаан зохиодог нууц нийгэмлэг байгуулсан тухай гардаг. Энэхүү ном анх 1905 онд Орост олдсон бөгөөд жижиг хэдий ч хүчирхэг еврейчүүдийн энэ бүлгэм христүүдийн ёс суртахуун, эдийн засаг болоод эрүүл мэндэд хэрхэн нөлөөлж чадсан тухай өгүүлдэг. Yнэхээр еврейн ийм нууц нийгэмлэг байдгийг нотлох олон яриа бий. Хэнри Форд, Мел Гибсон хүртэл нууц нийгэмлэгийн тухай хэмээн ярьж байв. 1920 онд Хэнри Форд уг номыг хагас сая хувь хэвлүүлэхээр мөнгө хандивласан удаатай. 1930-аад онд нацистууд еврей үндэстнийг хомроголон устгах төлөвлөгөөгөө зөвтгөх зорилгоор энэхүү номыг ашиглажээ. Тэр ч бүү хэл, Адольф Гитлер “Миний тэмцэл” номоо бичихдээ ашигласан баримт бий. Хэдийгээр “Зионы ахмадуудын ёслол” ном худал түүхийг өгүүлдэг гэдэг ч дэлхий даяар уншигдсаар байна. Сатанистуудын бүлэг 1980 болон 1990-ээд онд хүүхдийн хүчирхийлэл Америкчуудыг цочроож байлаа. Тэдгээр гэмт хэргийн ихэнхийг сатанистууд буюу буг чөтгөрийг дээдлэх үзэлтэй хүмүүс үйлдсэн гэж үзэж байв. 1988 онд “NBC” телевизээр “Сатаны ертөнцөөр” хэмээх эдгээр баримтат кино гарсан нь нэлээд шуугиан тарьсан. Тус кинонд сатанистуудын үйлдсэн гэмт хэргүүдийн талаар өгүүлдэг ба АНУ-д сая орчим сатанист байдаг гэжээ. Эмийн үйлдвэрүүдийн хуйвалдаан Ихэнх хүмүүс эм үйдвэрлэгч компаниудад тийм ч дуртай биш байдаг. Тэднийг хамгийн ашиг орлого багатай бизнес гэж үздэг. Гэвч зарим эм үйлдвэрлэгч компаниуд хуйвалдан, эмээ борлуулахын тулд өвчнийг даамжруулах нууц үйл ажиллагаа явуулдаг тухай яриа бий. Анагаахын төв байгууллагууд болон эм үйлдвэрлэгч хэдхэн том компани эмчилгээний талаарх чухал мэдээллүүдийг дундаа нууцалдаг гэж зарим хүн үздэг. Учир нь тэд хүмүүсийг өвчнөө хэрхэн эдгээх талаар мэдээсэй гэж хүсдэггүй гэнэ.
  26. 1 point
    Ер нь хүн болгон өөр өөрийн гэсэн онцлог чадвар байдаг харин түүнийгээ мэддэггүй байх гэж би боддог. Хүн өөрийгөө сайн мэддэгүй ч заяасан ховор чанартай байдаг байна. Энэ нь далдыг харах, зөгнөх чадвар юм. Хонь Бүх ордуудаас илүү зөвхөн энэ ордныхондтэрхүү нууцлаг ертөнцтэй холбогдох, мэдрэх чадвар байгалиас заяасан. өөрсдөө энэ чадвараа нээн илрүүлж, мэддэггүй ч энгийн үедээ тааж, зөгнөж хэлсэн зүйл нь ихэвчлэн үнэн байдаг аж. Гэрэл зураг болон эд зүйлээс нь танихгүй тухай хүний талаар илүү мэдээллийг авч чаддаг. Хонины ордныхон ус болон хувцасанд сайн, муу аль ч энергээ шингээж чаддаг байна. Илүү дэлгэрэнгүй ойлгомжтойгоортайлбарлахадмуу санасан хүнийхээ эдлэж, хэрэглэж буй зүйлд нь өөрийн мэдэлгүй эсрэг энергээ шингээж чадах аж. Энэ ордонд харьяалагдах ихэнх хүмүүс ямар ч хүний нүд рүү нь ширтээд өөрөөс нь юу хүсч буйг дор нь мэдэж чадна. -өөрийн зорилгодоо хүрэхийн тулд лам, зурхайчцд үзүүлж, мэргэлүүлж ид шидийн бүхий л домыг хэрэглэж байж санаа нь амардаг. үхэр Материаллаг уламжлалыг баримтлагчид. Тэд элдэв ид шид, далдын чадвараа хөгжүүлэхээс илүү өөрийн хийж чадах бодит зүйддээ л итгэдэг байна. Албан тушаал ахих, амжилтанд хүрэх, наймаа болон худалдаанаас ашиг олох гээд … Зарим улс оронд алтан тугалыг эд, баялгийн бэлгэ тэмдэгт тооцдог нь үүнтэй ч холбоотой байж болох аж. Энэ ордны ихэнх хүмүүс зөнч, зурхайчдад итгэдэггүй. Тэр байтугай ердийн өдөр тутмын зурхай унших нь хүртэл ховор. -Ямар нэгэн дом, шившлэг хийхгүй юмаа гэхэд хэн нэгэнд ерөөл дэвшүүлсэн бол Олон дахин давтахыг зөвлөж байна. Ихэр Энэ ордныхны энерги ихэнхдээ салхины хүчинд үйлчилдэг байна. Эзгүй хээр талд, ой модонд болон уулын оройд гарч өөрийн хүслийг шивнэх юм бол биелэх нь хурдан. Мөн ийм газруудад очсоноор эерэг энергээр цэнэглэгддэг. Харин тэрхүү энерги нь зөн билгийн чадварыг нь идэвхжүүлдэг байна. Ингэснээр хамгийн энгийнээр өөрийгөө шалгахдаа хол байгаа дотны хүнээ хэрхэн, юу хийснийг нь нэг бүрчлэн таамаглахыг оролдож үздэг юм. Ер нь далдыг мэдрэхэд нэн түрүүнд өөртөө итгэж, сэтгэл зүйгээ төвлөрүүлэх нэн чухал гэдгийг бүү мартаарай. -Ихрийн ордныхон уран ярих гайхамшигтай чадварыг эзэмшсэн хүмүүс. Тиймээс хэн нэгэнтэй утсаар ярихдаа хялбархан итгүүлж, ятгаж чадна. Мөн хов живд хамгийн идэвхтэй нь. Мэлхий Ид шид, зурхайд бус зөвхөн мэргэнд итгэдэг. Тэд ирээдүй, өнгөрсөн үеэ өөрчлөхийг хүсдэггүй, харин тэр талаар мэдэх нь тэдний сонирхлыг ихэд татдаг байна. Тэд өөрсдийн далд мэдрэмжий тайлж, мэдэж чаддаг. өөртэйгээ холбоотой зарим нэг зүйлийг зөгнөж, мэдрэх чадвар нь 80 хувьтай биелдэг. үүнийгээ мэддэг ч бодит амьдралд нийцэх зүйл биш хэмээн үздэг аж. Онц чухал л үед л өөрийн дотоод мэдрэмжээ чагнадаг. -Мэлхийн ордынхныг “сэтгэл зүйн тоглогчид” гэж нэрлэж болно. Хүмүүсийн сул болон хүчтэй талуудыг нь чимээгүй ажиглан өөрийн гол зорилгодоо ашигладаг.Арслан Энэ ордныхоо бэлгэ тэмдэгтэйгээ адил байгалиас заяасан хүчтэй энергитэй. өөрийн хүч, зоригтоо итгэдэг тул зөн билэгт төдийлөн итгэдэггүй байна. Харин зүгээр сонирхон уншиж, сонсож өөртэйгээ холбоотой зүйлүүдийгхарьцуулдаг. Гэхдээ энэ ордныхны хүчтэй энерги нь далдыг мэдрэх чадварыг нь бүрдүүлсэн байдаг байна. Харин үүнийгээ мэддэг ч ашигладаггүй. -Ийм халуун зүрхтэй хүмүүс өөрийн чадварыг зөвхөн хайр сэтгэлдээ л гаргаж чадна. Тиймээс тэд энэ талбарт хамгийн шилдэг тоглогчид, ялагчид байдаг. Охин өөрийн мэдрэмж, чадварыг хөгжүүлэх юм бол маш сайн мэргэ, төлөгчид болно. Энэ ордныхон хөзөр болон гарын алганы хээний мэргэд суралцах авьяастай. Учир нь тэд логик сэтгэлгээ, тоо, жижиг зүйлүүдийг ажиглаж цээжлэхдээ гарамгай. Хэн нэгэн аз турших шаардлага гарвал энэ ордныхоңд бүрэн итгэж болно. Зөн билгийн чадвар нь тэднийг хэзээ ч алдахад хүргэхгүй. өөрийн энэ чадвартаа ч итгэл төгс байдаг хүмүүс. -Хэрэв таны ажлын хүн чинь энэ ордонд төрсөн бол нэг удаа мэргэлүүлээд үзээрэй. Түүний хэлсэн зүйл үнэн болохыг та мэднэ. Жинлүүр Хэрэв та энэ ордны хүмүүсээс ямар нэгэн бэлэг, дурсгалын зүйл авч, магтаалын үг соневоос ойрын хугацаанд танд аз жаргал ирнэ гэдэгт итгээрэй. Нар мандах, жаргах гээд байталын аливаа үзэгдлээс өөрийн далд чадварыг цэнэглэдэг. Энэ ордныхон ямар нэгэн сахиустай ба тэрхүү сахиусанд нь далд чадварыхн нь энерги болон аз хуримтлагдаж, хадгалагддаг байна. Хэрэв байдаггүй бол өөртөө ээлтэй үнэт чулуугаа сахиус болгохыг зөвлөж байна. -өөрийн энэ далдыг мэдрэх чадвараа нээж мэдээгүй энэ ордын хүмүүс өөрсдийгөө маш азтайд тооцдог. Хилэнц Тэдний энерги байгалиасаа ширүүн, хурц , өвөрмөц гэж хэлэхэд болно. Тиймээс од, гаригсын тусламжтайгаар өөрийн болон дотны хүмүүсийнхээ амьдралын ирээдүйг зөгнөж чаддаг. Эңэхүү чадвараа аль болох бусдаас нуухыг хичээдэг. Учир нь амьдралын гол зэвсгээ гэж үнэлдэг. Гэхдээ энэ ордныхон гэрийн домд илүү чадварлагаараа бусад ордноос ялгарна. Хэрэв таны гэрт ямар нэгэн муу энерги байгааг мэдрэх юм бол хилэнцийн ордныхон тэр дор нь зайлуулж чадна. Тэд тоос арчих юм уу аяга угаах мэтээр л таны гэрийг муу энергиэс цэвэрлэх болно. -Энэ ордныхон өшөө авагчид байдаг ч өөрийнхөө хүндлэж, хайрладаг хүмүүсийг энергээрээ хол зайнаас ч хамгаалж чаддаг. Нум Хэрэв энэ ордныхон далдыг мэдрэх, мэргэ, төлөг буулгахыг оролдох гэж байгаа бол нэн түрүүнд сэтгэл зүй, анхаарлаа төвлөрүулэх хэрэгтэй. Учир нь тэд далд мэдрэмжид итгэдэг ч илүүтэйгээр сонирхол нь дийлж ямар байх бол гэсэн бодол нь давамгайлснаас өөрийн чадварыг мэдрэхгүй байж болно. Энэ ордныхны сул тал нь аливаа зүйлд анхааралгүй ханддагзан юм. Харин далдыг харах чадвараас илүүбусдыг эмчлэх байгалиас заяасан чадвар нь илүү. Гараараа толгой болон шүдний өвчнийг дор нь арилгаж чадна. -Ихэнх хүмүүс нь өөрийн эмчлэх чадварыг мэдэлгүйгээр анагаахын мэргэжил эзэмшдэг байна. Матар Тэд од гариг, эрхэс болон хөзөр гэх мэт зүйлүүдээс илүү байгалиар далдыг мэдэрч чадна. өөрөөр хэлбэл эзгүй хээр байгальд гараад зогсохдоо өөрийн дотоод дуу хоолойг сонсож чадсанаар ирээдүйг хэлж чадна. Гэхдээ энэ ордныхон далдыг харах чадвартай онцгой хүмүүс бусдыг өөр төрдөг гэж ихэнхдээ боддог тул өөрийн тэрхүү зургаа дахь мэдрэхүйг илрүүлэн нээх нь ховор. -өөрийн дотоод мэдрэмҗдээ итгэдэггүй ч тэр нь үргэлж зөв байдгийг мэддэг. Хумх Мэргэ нь театрын сайн найруулсан жүжигтэй илүү адилхан болов уу. Учир нь мэргэлүүлж байгаа хүн хэр итгэхээс л түүни й мэргэ шалтгаална. Тэд маш гярхай тул хамгийн энгийнээр бодоход мэргэлүүлж буй хүний байдлыг ажиглаад л тохируулан хэлж өгөх болно. Эцэст нь хэлэхэд энэ ордныхонд далдыг харах, зөгнөх мэдрэмж тун бага. -Хумхын ордныхон хэт сэргэлэн тул заримдаа өөрсдөө тэрхүү мэргэндээ гун автаж, өөр шинэ мэргэ, төлгийг зохиож мэднэ. Загас Энэ ордныхон амьдралаас үүдэлтэй ямар нэгэн зөгнөж хэлсэн хэл аманд итгэмтгий. Учир нь тэдний хувьд амьдрал дээр нь заримдаа тийм зүйл тохиолдох нь элбэг аж. Сайн энергийг гэрээсээ авдаг. Элдэв дом, мэргэ болон далдыг харах, зөгнөх зүйлд хүч, энергиэ барахыг хүсдэггүй. Харин бусдаар дуртайяа мэргэлүүлнэ. -Мэргэ, төлөгт итгэдэг ч хар дом, хараалд итгэдэггүй.
  27. 1 point
    Энерги бол маш чухал зүйл хүн муу энергитэй хүнтэй ярих харилцах энэ бол маш муу гэж боддог. Та энергитэй байхдаа аз жаргалтай инээд хөөрөө бялхах болно. Харин байхгүй үед нэг л сэтгэл зовнин царай алдах гэх зэрэг нэг л сул дорой болдог. Харин яагаад ийм болов яагаад та өглөө инээж байгаад одоо сул дорой болчив. Хэн нэгэн таны энергийг сорсон байна. Жишээ нь та хэн нэгэнтэй хэрэлдэж уцаарлаж. Хүмүүс хоорондын харьцаа бидэнд тодорхой хэмжээгээр нөлөөлдөг. Зарим хүнтэй харьцасны дараа таагүй мэдрэмж төрөх, ажил үйлс бүтэхээ болих, шалтгаангүй ядарч сульдах, бүр өвдөх ч тохиолдол байдгийг та анзаарсан бизээ. Энэ нь хүний энергийн бүрхүүл, хамгаалалт алдагдсантай холбоотой юм. Шинж тэмдэг: Бусдыг энергийг сорж амьдардаг хүмүүс харьцагчийнхаа бухимдлыг төрүүлж байнга хэрүүл маргаантай орчинд дурладаг. Ийм хүмүүс ялангуяа амьдрал нь бүтэмжтэй, баяр баясгалантай хүнтэй харьцаж, өөрийн энергийг сэлбэх дуртай байдаг. Гэвч тэднийг таньж мэдэхэд тийм хялбар биш. Энерги сорогч гэхээр заавал муу хүн байх албагүй. Энэ бүлэг хүмүүст таны сайн найз, ойрын төрөл, хамт ажиллагч, хамтран амьдрагч ч байх боломжтой. Тэд өөрсдөө ч орчиндоо ямар аюултайг тэр бүр мэдэхгүй. Хэрэв хэн нэгэнтэй харьцасны дараа таны бие сульдах, ажил нурах, саад бэрхшээл хэт их тохиолдох, анхаарал сарних, тэр байтугай өвдөх шинж тэмдэг илэрвэл ямар хүмүүстэй харьцсанаа сайн сана. Ингэснээр та энерги сорогчийг тодорхойлж болох юм. Өерийгөө хэрхэн хамгаалах. Энерги сорогч нь хүрээлэл дотор байх магадлалтай тул учир шалтгаангүй харьцаагаа муутгах хэрэггүй. Ингэвэл та өөрөө л хямарна. Харин харьцахдаа болгоомжтой бай. -Нүд рүү нь бүү хар. Хүний нүд их хүчтэй туяа үүсгэдэг. -Нөлөөлөлд нь автахгүй байх. Ийм хүнтэй харьцасны дараа гэртээ очоод шууд эсрэг тэсрэг устай шүршүүрт ор. Хоолондоо хар эсвэл улаан перец, амтлагчууд хийж ид. Кофенд перец бага хэмжээгээр хийж уувал маш тустай. Рок поп зэрэг эрчимтэй аялгуу, хөгжим сонс. Залбирч байгаа мэт алгаа хавсар, нүдээ тус бүрийг нь цэв хүйтэн усаар шавшиж угаа. Энэ мэт үйлдэл нь таныг био энергийн орчин, гадны нөлөөнөөс хамгаална.
  28. 1 point
    Чингэлтэй дүүргийн харъяат Энх-Амгалан, Наранбаатар, Амарбаясгалан гэдэг гурван залуу 1992 оны хавар Төв аймгийн Мөнгөнморьт сумын нутгаар бугын эвэр түүхээр явцгаажээ.Залуус морь унаатай байсан болохоор нэлээд шуурхай явсаар нэг мэдэхэд Хэнтий нуруу руу ороод явчихсан байв. Нэг өдөр залуус Том Хайрхан гэдэг ууланд яваад очтол баруун хойд бэлд нь нэгэн чулуун агуй байлаа. Наранбаатар энэ агуйг чөтгөр шуламтай гэж нутгийнхны ярьж байсныг санаад нөгөө хоёртоо хэлжээ. Түүнийг яриаг нэг их ойшоогоогүй Энх-Амгалан * Дээр үеийн хүмүүс эд хөрөнгөө нуусан газраа чөтгөр шуламтай гэж цуурхал тараадаг байсан гэдэг. Гурвуулаа орж үзэх үү* гэхэд нөгөө хоёр нь түүний саналыг дэмжиж морьдоо чөдөрлөөд гар чийдэн, буугаа бариад агуй руу оров. Доошоогоо тийм ч хүнхэр биш агуйн аман дээр үнс байхыг Энх-Амгалан хараад ” Нөгөө чөтгөр чинь гал түлж, хоолоо хийчихсэн бололтой” гээд тун хөгжилтэй байлаа. Залуус цаашлах тусам бүгчим өмхий агаар үнэртэж байхаас гадна гар чийдэнгийн гэрэлд сохор хар, сарьсан багваахай, том эрээн могой хүртэл цагирагалан харагдаж байв. Тэд явсаар агуйн мухарт хүрээд эргээд хартал агуйн аман дээр хүн сүүтэгнэх шиг болов. Наранбаатар ” Энд хүн байна уу?” гэхэд Амарбаясгалан ” Юу байдаг юм бэ. Чи сүүдрээ л хараа биз.” гэж хэлтэл хаа нэгтээ эмгэн хүн тас тас хөхрөх дуулдлаа. Тэр гурвын дотор сэрхийж эргэн тойрноо харсан ч тэрхүү эмгэний дуу хаанаас гараад байгааг мэдэж чадсангүй. Амарбаясгалан бууныхаа замгийг тачигнуулж ” Хэн бэ?” гэхэд нөгөө хачин зэвүүн инээд улам тодорч хад цууриатуулан ойртов. Тэд гарахаар үүд рүү зүгэлтэл өмнө нь бөөн шороо тоос босч чийдэнгийн гэрэлд ямар нэгэн саарал амьтан гүйлдэж эхэлсэн байна. Амарбаясгалан тэрхүү саарал амьтан руу буугаа чиглүүлж байснаа гохоо дарчихлаа. Тэгтэл эрэгтэй орилон ёолоход энд тэндгүй чоно ульж, баавгай хүрхэрч, нохой гаслах нь дуулдаж чих дүлийрмээр болов. Залуус бүгд ухарсаар агуйн үүдэнд очтол чийдэнгийн гэрэлд нөгөө саарал дүрсүүд улам тодорч өгөрч гандсан дээл толгой дээгүүрээ нөмөрсөн хүмүүс болж ирснээ нэг харахад алга болно. Тэгээд дахийд л үзэгдэх ажээ. Энх- Амгалан чийдэнгээ хана руу тусгахад эргэн тойронд нь амаа ангайсан араатан амьтад харагдав. Тэрбээр ” Хүүе Наранбаатар аа, түүнийг хараач” гэхэд нөгөө амаа ангайн, нүд нь ногоорон гэрэлтэх амьтадын дүрс үгүй боллоо. Гэтэл гэв гэнэт бүх чимээ, тэр ч бүү хэл эмгэний хөхрөх хүртэл тасалдсан тасалдсаар нам гүм болж. Одоо зөвхөн гурван залуугийн айсандаа болоод түргэн түргэн цохилох зүрх, амьсгаадах сонсогдож байлаа. Тэгтэл дахиад л нөгөө хүн амьтны ёолох, гаслах, хөхрөх чимээ хадан агуйг хаг татах мэт нүргэлснээ ахиад л нам гүм болов.Гурван залуугийн айдас дээд цэгтээ хүрч ямар нэгэн далдын хүчин ирэх гэж байгаа мэт ар нуруу руу нь хүйт оргиж эхэллээ. Тэд гурван тийшээ тасралтгүй харсаар нүд нь чилж, нулимс нь асгаран гарч байлаа. Тэгтэл нэг том амьтан алхах шиг агуй доргиж, нөгөө амьтад ихэд орлилдсоноо чимээ нь зугтааж буй мэт алслагдаж сонсогдсоор алга болсон байна. Агуйн хана, орой нэлдээ дорьгиж залуусын дээрээс шороо тоос унаж эхлэв. Нөгөө нүсэр алхаа улам ойртоход Наранбаатар муухай орилов. Нөгөө хоёр нь түүн рүү яаран гэрэл тусгавал түүний мөрөн дээр аль хэдийн үхээд өмхийрөөд хөөчихсөн хар эрээн могой дамнан уначихсан байв. Тэдний дээрээс удалгүй үхсэн сарьсан багваахай, сохор хар, ялаа, эрвээхэй шар шувуу хүртэл унаж давхийтэл цочоосоор байлаа. Маш хүнд алхаа улам ойртоход агуйн зүүн хойд хана цөм үсэрч битүү цагаан тоос шороо босов. Тэрхүү бужигнасан шороон дунд томоос том хүний дүрс ажиглагдахад залуус өөрийн мэдэлгүй ухарлаа Тоос аажуухан багасахад өгөрч гандсан саарал дээл өмссөн хүн буруу хараад зогсож байв.Тэгснээ тэр хүн мэгшин уйлж эхлэх нь залууст тодоос тод сонсогдсон байна. Тэр том хүний мөр, цээж овогнон хөдөлж байснаа агуйн хана дорггиулан тэдэн рүү аажуухан эргэв. Залуус нүд чавчилгүй харсаар байтал нөмөрсөн дээлэн дотор зүгээр л араг яс байх нь тэр. Залуус айсандаа хар тэнхээгээрээ бархирч үүд рүү гүйх гэтэл урд нь их дуу чимээ гарч дээрээс нь хад чулуу нуран ирлээ. Тэгтэл дээл нөмөрсөн араг ясны шүд хяхтнан хүзүүндээ зүүсэн урт эрхээ далайх агшинд дахин нам гүм болж бүх зүйл урьдын хэвээр болов. Залуусын нүдэнд юу ч үзэгдэхээ байж нөгөө өмхий бүгчим агаар л үнэртэж байлаа. Тэд агуйн үүдээр чигцэлдэн гарахад нөгөө эмгэний шоолонгуй хөхрөх л тодоос тод сонсогдож байв. Залуус дуугарах ч тэнхээгүй болж арай ядан явсаар буусан тотог дээрээ ирэхэд онгож гандан хээ нь мэдэгдэхээ байсан цэнхэр торгон дээлтэй өвгөн галыг н ь асаачихсан сууж байлаа. Энэ өвгөн тус нутгийнх бөгөөд нэг бодон гахай шархдуулан алдчихаад араас нь мөшгиж яваа ажээ. Залуус агуйд болсон зүүд зэрэглээ шиг явдлаас болоод ам нь эвлэж өгөхгүй байтал “Та нар нэг юмнаас ихэд айжээ. Энэ уул ч хүн айлгах олон гүйдэлтэй хайрхан даа” гэхэд залуус агуйн талаар асуулаа. Өвгөн ” Энэ агуйн түүх их урт л даа. Бадруулт төрийн 14- р он буюу 1880 оны сүүлчээр Сайн ноён хан аймгийн Авирмэдийн хошууны тайж Равсалдорж гэгч Манжийн алба гувчуураас зугтаж гэр бүлийнхээ хамтаар Сэцэн хан аймагт ирсэн юм гэнэ лээ. Гэтэл Сэцэн ханы ноёд түүнийг зүг буруулан явааг мэдээд манж нарт барьж өгөхөөр сэм тохиролцсон байна. Үүнийг нь гадралсан Равсалдорж нэг шөнө авгай хүүхэд, үхэр малаа аваад Хэнтийн нуруу руу зугтан гарчээ. Тэднийг Манж нар болон мөрдөгчид олохоо байсан ч энэ айл гадаад ертөнцөөс бүрмөсөн тусгаарлагдсан байна. Тайж Равсалдорж энэ агуйд эхнэр, хоёр хүү, бас нэг охин, мөн ная гарсан хөгшин эхтэйгээ ирсэн юмсанж. Гэтэл удалгүй ганц охин нь хатгаа тусч ихэд халууран дэмийрч байгаад нас баржээ. Түүний дараагаар хоёр хүү, эхнэр нь мөн л өвчин тусч ихэд халуурсны улмаас галзуурч үхсэн байна. Хамгийн сүүлд хөгшин эх нь Равсалдоржид “Чи бид хоёр энэ агуйгаас үхэж л гарна. Тэгэхээр чи намайг алаад өг” гэж гуйсан гэдэг. Тэгээд тэр ээжийнхээ хүзүүг мушгиж хороосон байна. Равсалдорж бүх цогцосыг зэрэгцүүлэн тавьж байгаад дараа нь өөрийнхөө амийг бүрэлгэсэн байна. Энэ явдлаас хойш энэ агуйг тайжийн агуй гэх болосон юм” гэжээ. Залуусыг амаа ангайн чагнаж байх хооронд өвгөн босоод модон дундуур ороод явчихлаа. Тэд тэр өвгөнийг цай уулгахаар араас нь очиход газрын гаваар орсон мэт алга болсон байв. Залуус хичнээн эрж хайсан ч тэр олсонгүй. Мань гурав аймшиг төрүүлсэн агуй, хачин түүх, жигтэй уулнаас аль болох хурдан холдохоор яарч байлаа.
  29. 0 points
    Нэг нэг өгүүлбэр бичээд л явъя Нэгэн өдөр Spe Casper 2 явж байж гэнэ.
  30. 0 points
    Дэлхийн түүхэнд хамгийн анх удаа сансарт ниссэн хүн бол ОХУ-н сансарын нисгэгч Юрий Гагарин билээ. Тэрээр одоог хүртэл бидний сонирхдог сэдвийн нэг болох "Юрий Гагарин амьд уу эсвэл..." гэсэн асуултын эзэн. Түүний тухай маш олон үлгэр домог гэлтэй зүйлс цувран гарсан ч гагцхүү түүний амьд эсэхийг тэр л хэн ч таашгүй. Юрий Гагарин гэр бүлийн хамт Анхны нислэгийнхээ 2 хоногийн өмнө Юрий Гагарин эхнэр хүүхдэдээ захидал бичсэн байна. Тэрээр энэ нислэгийг нэлээд аюултай зүйл болохыг мэдэж байсан юм. Ингээд захидалдаа: Хайрт Валя, Лена, Галя нар минь ээ! Надад тохиосoн жаргалтай мөчүүдийнхээ талаар та бүхэнтэй хуваалцахаар шийдлээ. Өнөөдөр Сансрын нисгэгчдийн холбоо намайг хамгийн анхны сансрын нисгэгч болох боломжийг олгосон юм. Хайрт та нарыгаа надтай хамт баяр баясгалантай байгаасай хэмээн хүсэж байна. Энгийн нэгэн иргэнд энэ боломж олдсонд би маш их баярлаж байна. Үүнээс илүү сайхан мөрөөдөл гэж юу байхав. Энэ бол түүх, энэ бол шинэ зуун. Нэг хоногийн дараа би ниснэ. Энэ үед та нар өөр өөрсдийнхөө зүйлийг хийгээд л байж болох болно. Надад маш том хариуцлагыг ноогдуулсан юм. Яг энэ мөчид та нартайгаа баяр баяслаа хуваалцаж ярилцахыг хүссэн ч та нар минь надаас хол байна. Гэхдээ сэтгэл зүрхээрээ бид үргэлж хамт байх болно. Техникт би бүрэн итгэж байна. Тэр яагаад ч эвдэрч, гэмтэх ёсгүй. Зарим тохиолдолд хүн санаандггүй тохиолдлоор унаж бэртэх үе байдаг шүү дээ. Сансарт ч гэсэн ийм зүйл тохиолдож болно. Хэрвээ ямарваа нэгэн зүйл тохиолдвол хайрт хань Валя минь битгий гуниж, гашуудаарай гэж чамаасаа гуйя. Амьдрал дээр өнөөдөр амьд байсан ч маргааш машинд дайруулсан байхыг үгүйсгэхгүй. Хайрт охидуудыгаа хайрлаж, хамгаалж яваарай. Тэднийгээ өсгөхдөө бүхнийг хийж чаддаг, авъяаслаг, чадварлаг охид болгож өсгөөрэй. Коммунизмд нөлөөлөхүйц чадвартай охид болгоорой. Харин үүнд чамд төр туслах болно. Хувийн амьдралаа өөрийнхөө зөв гэж бодож байгаагаар зохиогоорой. Энэ тал дээр надад хэлэх үг алга. Яагаад ч юм миний захиа ихэд гунигтай болоод байх чинь. Би үүнд итгэхгүй л байна. Чамд энэ захиаг унших боломж олдохгүй гэж найдаж байгаа бөгөөд харин би сул дорой зан гаргасандаа ичих болов уу гэж бодож байна. Гэхдээ ямарваа нэг зүйл тохиолдвол чи бүхнийг эхнээс нь дуустал нь мэдэх ёстой. Богино хугацаанд ч гэсэн би үнэнч, тустай амьдарч ирсэн. Бага байхдаа би В.П.Чкаловын нэгэн үгийг уншиж байсан юм. “Ямарваа нэгэн юмны ямагт анхных нь байгаарай” -гэж... Тиймээс л би юм бүхний тэргүүн нь, анхных нь байхыг хүсэж, хичээж байна. Энэ нислэгийг төр, бидний хайрт эх орон, шинэ эрин зуунд зориулахаар шийдлээ. Хэд хоногийн дараа бид уулзаж дахин аз жаргалтай байх болно гэдэгтээ итгэлтэй байна. Валя минь миний эцэг эхийг битгий мартаарай. Боломжтой бол тэдэнд туслаж байгаарай. Миний өмнөөс тэдэнд мэнд хүргэж, тэдэнд юу ч хэлээгүйд уучлалт хүсээрэй. Ингээд захиагаа дуусгая даа. Баяртай, хайрт гэр бүлийнхэн минь. Та нартаа маш их хайртай, та нарыгаа чангаас чанга тэврэн үнсэе. “Хайрт хань, эцэг Юра Гагарин. 1961.04.10” Валентина Ивановна энэ захиаг 7 жилийн дараа буюу 1968 оны 3 сарын 27-нд уншсан байна.
  31. 0 points
    @SpectorDG burtgeltei. Tgj bgad bichih bho. @slouserdene bn
  32. 0 points
    Гэнэт каспер зуурдаар нас барж Spector ганцаараа үлджээ.
  33. -1 points
    @Bursoo аан тийн байх гайхлаашд хаха наад шүдгүй хүнийгээ бүртгүүлээд бич гэж хэл :)))
This leaderboard is set to Ulaanbaatar/GMT+08:00
  • Архив Энэ сарын шилдэг гишүүн

    • At the moment no member of the month selected for this month

    • The Staff

  • Our picks

    • Сайн байцгаана уу Хориотой сайтын чөтгөрүүдээ  бидэнд ярилцах зүйл байна. 


      Хориотой сайтын зөвхөн форум нь Пойнт системтэй болсонг зарлаж байна. Та өөрийн үзэл бодлоо бусадтай хуваалцаад цуглуулсан пойнт оноогоороо Хориотой дэлгүүрээс хүссэн зүйлээ худалдан авах эрхтэй юм. 

       

      Пойнт оноо цуглуулах талаар түгээмэл асуултуудыг уншина уу:

       

      Пойнт нь ямар ач холбогдолтой вэ?

      Пойнт оноо цуглуулах нь гишүүд сайтад идэвхитэй оролцоход тустай. Тухайн гишүүд өөрсдийн цуглуулсан пойнт оноогоороо ранк худалдан авах, пойнт оноо хожих зэрэг олон төрлийн боломжтой. 

       

      Пойнт оноогоог яаж цуглуулах вэ?

      Пойнт оноогоо цуглуулахдаа Форумд шинэ сэдэв нээх /100 пойнт/, хариулж бичих /50 пойнт/, өөрийн нээсэн сэдэвтээ хариулж бичих /80 пойнт/ тус тус авна. 

       

      Хэрхэн пойнт оноогоор юм худалдан авах вэ?

      www.horiotoi.org/shop хэсгээс өөрийн пойнт оноондоо тохирсон зүйлийг худалдан авч болно. Бид шопдоо шинэ зүйлсийг оруулж байх бөгөөд цаашид тухайн үеийн үйл явдал /баяр наадам/-д  тохируулан бараануудаа оруулах болно. 

       

      Өөрийн цуглуулсан пойнт оноогоо хэрхэн харах вэ?

      Та өөрийнхөө цуглуулсан пойнт оноогоо өөрийн профайл хэсэг болон дэлгүүрээс харах боломжтой. 

       

      Ганц сайттай холбоотой бараа байгаа юм уу бодит зүйлс оруулж болох уу? 

      Мэдээж боломжтой. Бид цаашид ганц сайттай холбоотой зүйлс бус таны гар дээр очих бэлэгсэлтийг нэмэх болно. 

       

      Нэмэлт пойнт оноонууд байгаа юу?

      Байгаа. Бонус оноонууд нь олон төрөл бий.

      Сайтад бүртгүүлсэн шинэ гишүүд 100 пойнт.

      Гишүүн бүр өдөрт сайтад зочлоод 200 пойнт

      Гишүүн бүр долоо хоногт сайтад зочлоод 500 пойнт

      Гишүүн бүр сардаа сайтад зочлоод 1000 пойнт бонус оноонуудыг тус тус авах эрхтэй. 

       

      Та бүхэн өөрсдийн санал хүсэлтээ үлдээж пойнт оноогоо нэмээрэй. 
        • Like
        • Like
        • Love
      • 13 replies


×